Alia Bhatt : అలియా భట్ ఒక్క డ్రెస్ కోసం ఏకంగా 163 మంది.. 1905 గంటలు పనిచేశారట.. వైరల్ అవుతున్న ఫొటోలు..

Alia Bhatt Special Designer Saree Goes Viral from Met Gala 2024 Event

Alia Bhatt : బాలీవుడ్ భామ అలియా భట్ వరుస సినిమాలతో దూసుకుపోతుంది. బయట ఈవెంట్స్ లో కూడా రెగ్యులర్ గా కనపడి అలరిస్తుంది. RRRతో ఈ భామ తెలుగుకి కూడా పరిచయమైన సంగతి తెలిసిందే. ఇటీవల హార్ట్ ఆఫ్ స్టోన్ అనే ఓ అమెరికన్ సినిమాలో కనిపించిన ఆలియా త్వరలో జిఘ్ర సినిమాతో రాబోతుంది. మరోవైపు భర్త రణబీర్ కపూర్, పాప రాహాతో ఫ్యామిలీ లైఫ్ సంతోషంగా గడుపుతుంది.

తాజాగా అలియాభట్ న్యూయార్క్ లో జరిగే మెట్ గాలా ఈవెంట్ కి వెళ్ళింది. ఈ ఈవెంట్ కి అనేక సినీ పరిశ్రమల నుంచి, బిజినెస్ పరిశ్రమ నుంచి ఎంతోమంది సెలబ్రిటీలు వస్తారు. ఈ క్రమంలో అలియాభట్ వెళ్లగా తన డ్రెస్ తో సెంటర్ ఆఫ్ అట్రాక్షన్ గా నిలిచింది. సరికొత్త శారీ డిజైన్ చేసి కట్టుకెళ్లింది అలియా భట్. తన చీర చాలా పొడవుగా ఉంది. ఆ చీరకట్టులో మెట్ గాలా రెడ్ కార్పెట్ పై హొయలొలికించింది అలియా.

Also Read : Arya : ‘ఆర్య’ సినిమాకు అల్లు అర్జున్ కంటే ముందు అనుకున్న హీరోలు ఎవరో తెలుసా?

అయితే ఈ ఈవెంట్లో అలియా తన డ్రెస్ గురించి మాట్లాడుతూ.. ప్రముఖ డిజైన్ సబ్యసాచి ముఖర్జీ ఆధ్వర్యంలో 163 మంది చేతుల మీదుగా దాదాపు 1900 గంటలు పైగా కష్టపడి ఈ శారీని తయారుచేశారని తెలిపింది. బోలెడంత ఎంబ్రాయిడరీ వర్క్ తో సరికొత్తగా శారీ తయారుచేసారు. దీంతో అలియాభట్ ఫొటోలు, చీర ఫొటోలు వైరల్ గా మారాయి. ఇది తెలిసి ఒక్క చీర కోసం అంతమంది, అన్ని గంటలు కష్టపడ్డారా అని ఆశ్చర్యపోతున్నారు.