God Of War: ‘గాడ్ ఆఫ్ వార్’ మూవీ ఫిక్స్.. ఆరోజే అప్డేట్ కన్ఫర్మ్

An update from God of War is expected on NTR birthday.

• ఎన్టీఆర్ ఫాన్స్ కి గుడ్ న్యూస్
• ఎన్టీఆర్ బర్త్ డేకి ‘గాడ్ ఆఫ్ వార్’ అప్డేట్
• పవర్ ఫుల్ రోల్ లో కనిపించనున్న ఎన్టీఆర్

God Of War: మ్యాన్ ఆఫ్ మాసెస్ ఎన్టీఆర్ వరుసగా క్రేజీ ప్రాజెక్టులను ఒకే చేస్తున్నాడు. ప్రస్తుతం ప్రశాంత్ నీల్ దర్శకత్వంలో ‘డ్రాగన్’ సినిమా చేస్తున్న తారక్, ఆ తర్వాత మాటల మాంత్రికుడు త్రివిక్రమ్ శ్రీనివాస్‌తో సినిమా చేసేందుకు సిద్ధం అవుతున్నాడు. గతంలో వీరి కాంబోలో వచ్చిన ‘అరవింద సమేత’ ఎంతటి భారీ విజయం సాధించింది అనేది ప్రత్యేకంగా చెప్పాల్సిన పనిలేదు. దాంతో, ఈ కొత్త ప్రాజెక్ట్‌పై అంచనాలు ఆకాశాన్ని తాకుతున్నాయి. ముఖ్యంగా ఈ చిత్రం కుమారస్వామి నేపథ్యంలో, ఆధ్యాత్మిక, కమర్షియల్ అంశాల కలయికతో ఒక విజువల్ వండర్‌గా తెరకెక్కనుందని సమాచారం.

Ram Charan: ఆ విషయంలో నాన్నే ఇన్స్పిరేషన్.. తండ్రిపై రామ్ చరణ్ ఎమోషనల్ కామెంట్స్

అయితే, తాజాగా ఈ సినిమాకు సంబంధించి సోషల్ మీడియాలో ఒక ఆసక్తికరమైన వార్త చక్కర్లు కొడుతోంది. ఈ చిత్రానికి ‘గాడ్ ఆఫ్ వార్’ (God Of War) అనే పవర్‌ఫుల్ టైటిల్‌ను పరిశీలిస్తున్నట్లు తెలుస్తోంది. టైటిల్‌లోని గాంభీర్యాన్ని బట్టి చూస్తుంటే, త్రివిక్రమ్ ఈసారి ఎన్టీఆర్‌ను మునుపెన్నడూ చూడని ఉగ్ర రూపంలో చూపించబోతున్నారని అర్థమవుతోంది. ఎన్టీఆర్ పుట్టినరోజు సందర్భంగా ఈ క్రేజీ ప్రాజెక్ట్‌కు సంబంధించిన అధికారిక ప్రకటన వచ్చే అవకాశం ఉందని ఫిలింనగర్ వర్గాల్లో బలంగా వినిపిస్తోంది.

కేవలం త్రివిక్రమ్ సినిమా మాత్రమే కాకుండా, ప్రశాంత్ నీల్ చిత్రానికి సంబంధించిన అప్‌డేట్ కూడా అదే రోజు రాబోతుండటం ఎన్టీఆర్ ఫాన్స్ కు అసలైన పండుగ అని చెప్పాలి. ఒకే రోజు రెండు భారీ చిత్రాల అనౌన్స్‌మెంట్స్ వస్తే సోషల్ మీడియా షేక్ అవడం ఖాయమని విశ్లేషకులు భావిస్తున్నారు. గ్లోబల్ స్టార్‌గా ఎదిగిన తారక్, తన మాస్ ఇమేజ్‌కు తగ్గట్టుగా ఇటు యాక్షన్ డ్రామాలు, అటు విజువల్ వండర్స్ బ్యాలెన్స్ చేస్తూ క్రేజీ లైనప్‌ను సెట్ చేసుకున్నాడు. మరి ఈ రెండు సినిమాలు ఎలాంటి సెన్సేషన్ క్రియేట్ చేస్తాయి అనేది చూడాలి.