Bellamkonda Suresh : అతన్ని వదిలే ప్రసక్తే లేదు.. నిర్మాత బెల్లంకొండ సురేష్ ప్రెస్‌మీట్..

Bellamkonda Suresh

Bellamkonda Suresh :  శ్రవణ్ అనే ఓ ఫైనాన్షియర్ తన దగ్గర డబ్బులు తీసుకొని ఇవ్వలేదంటూ, మోసం చేసారంటూ సినీ నిర్మాత బెల్లంకొండ సురేష్, ఆయన కుమారుడు ప్రముఖ హీరో బెల్లకొండ శ్రీనివాస్ పై పోలీస్ స్టేషన్ లో కంప్లైంట్ చేసి కేసు వేశారు. నాంపల్లి కోర్టు ఆదేశాల మేరకు ఇద్దరిపై హైదరాబాద్ సీసీఎస్ పోలీసులు కేసు ఫైల్ చేశారు. దీంతో ఇవాళ ఉదయం నిర్మాత బెల్లంకొండ సురేష్ ఫిలిం ఛాంబర్ లో మీడియా సమావేశం ఏర్పాటు చేశారు.

ఈ మీడియా సమావేశంలో నిర్మాత బెల్లంకొండ సురేష్ మాట్లాడుతూ.. ”శ్రవణ్ ఉద్దేశ్యం నన్ను బాడ్ చెయ్యడమే. కొంత మంది అతని వెనుక ఉండి చేయిస్తున్నారు. శ్రవణ్ ని వదిలేది లేదు. అతని మీద పరువు నష్టం దావా వేస్తాను, క్రిమినల్ కేసు కూడా పెడతాను. దీని వెనుక ఎవరు వున్నారు అనేది నాకు తెలుసు. లీగల్ గానే వాళ్ల మీద పోరాడతాను. లీగల్ గా శ్రవణ్ కి నరకం చూపెడతాను.”

Akhanda : కొత్త సినిమా సెట్‌లో బాలయ్య ‘అఖండ’ వేడుక..

”నా పిల్లల మీదకు వచ్చాడు, నా కొడుకు ఇమేజ్ ను డ్యామేజి చెయ్యడానికి ఆరోపణలు చేస్తున్నాడు. శ్రవణ్ పంపిన నోటీస్ నాకు రాలేదు. ఎవిడెన్స్ లేకుండా దొంగ కేసులు వేస్తున్నారు. లీగల్ గా శ్రవణ్ ను అతని వెనుక ఉన్న పెద్ద మనిషిని కూడా వదిలి పెట్టేది లేదు. ఆ పెద్ద మనిషి ఒక పొలిటీషియన్. మేము ఎవ్వరి జోలికి రావడం లేదు. కానీ అతను చేసింది తప్పు. నా కొడుకు పేరు తీశాడు. నేను అతనిని వదిలే ప్రసక్తే లేదు. అతను క్షమాపణ చెప్పినా నేను వదలను” అంటూ ఆవేశంగా మాట్లాడారు. మరి దీనిపై ఆ శ్రవణ్ అనే వ్యక్తి ఏ విధంగా స్పందిస్తారో చూడాలి.