NBK109 : బాలయ్య సినిమాలో విలన్‌గా బాలీవుడ్ నటుడు.. ఈసారి హంటింగ్ గట్టిగా ఉండబోతుంది..

Bobby Deol is casting for Nandamuri Balakrishna NBK109 movie

NBK109 : నందమూరి బాలకృష్ణ ప్రస్తుతం బాబీ దర్శకత్వంలో ఓ సినిమా చేస్తున్న సంగతి తెలిసిందే. NBK109 వర్కింగ్ టైటిల్ తో షూటింగ్ జరుపుకుంటున్న ఈ చిత్రంలో స్టార్ కాస్ట్ కనిపించబోతుంది. ఇప్పటికే ఈ మూవీలో ఇద్దరు మలయాళ స్టార్ యాక్టర్స్ ఎంట్రీ ఇచ్చినట్లు వార్తలు వినిపిస్తున్నాయి. ఇప్పుడు తాజాగా ఈ మూవీలోకి బాలీవుడ్ స్టార్ నటుడు అఫీషియల్ గా ఎంట్రీ ఇచ్చాడు.

ఇటీవల యానిమల్ సినిమాతో తెలుగు ఆడియన్స్ కి పరిచయమైన హిందీ నటుడు ‘బాబీ డియోల్’.. ఈ సినిమాలో ఓ ముఖ్య పాత్ర చేయబోతున్నారట. అది విలన్ పాత్ర అని తెలుస్తుంది. తాజాగా ఈ నటుడు మూవీ సెట్స్ లోకి అడుగుపెట్టిన విషయాన్ని చిత్ర యూనిట్ అఫీషియల్ గా అనౌన్స్ చేసింది. ఇక బాబీ డియోల్ ఎంట్రీతో ఈసారి హంటింగ్ కొంచెం గట్టిగానే ఉండబోతుందని తెలుస్తుంది.

Also read : Pawan Kalyan : వదిన దగ్గర కూడా అప్పు తీసుకున్న పవన్.. ఎలక్షన్ అఫిడవిట్‌లో వివరాలు..

కాగా ఈ మూవీలో మలయాళ హీరో దుల్కర్ సల్మాన్ ఒక ముఖ్య పాత్ర చేస్తున్నాడని, అలాగే మరో మలయాళ నటుడు షైన్ టామ్ చాకో ఈ సినిమాలో కనిపించబోతున్నట్లు సమాచారం. ఇక తెలుగు అమ్మాయి ఒక ముఖ్య పాత్ర చేస్తున్నారట. ఇటీవలే ఈ మూవీ నుంచి యాక్షన్ కట్ తో గ్లింప్స్ రిలీజ్ చేసి అదుర్స్ అనిపించారు. దీంతో నందమూరి అభిమానుల్లో ఈ మూవీ పై భారీ అంచనాలు నెలకొన్నాయి.

శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్ట్యూన్ ఫోర్ సంయుక్తంగా నిర్మిస్తున్న ఈ చిత్రానికి ‘వీరమాస్‌’ అనే టైటిల్ ని ఖరారు చేశారట. త్వరలోనే ఈ టైటిల్ ని అఫీషియల్ అనౌన్స్ చేయనున్నారని టాక్ వినిపిస్తుంది. థమన్ ఈ చిత్రానికి సంగీతం అందిస్తున్నారు.