Brahmastra: బ్రహ్మాస్త్ర ఫస్ట్‌డే కలెక్షన్స్ ఎంతో తెలుసా?

Brahmastra Movie First Day Collections

Brahmastra: బాలీవుడ్ లో అసలు ప్రేక్షకులు థియేటర్లకే రాని సమయంలో దాదాపు రూ.500 కోట్ల భారీ బడ్జెట్ తో, భారీ విజువల్స్ తో, భారీ తారాగణంతో తెరకెక్కి ప్రేక్షకుల ముందుకు వచ్చిన సినిమా “బ్రహ్మాస్త్ర”. మూడు భాగాలుగా తెరకెక్కుతున్న ఈ సినిమా మొదటి భాగం ‘బ్రహ్మాస్త్ర శివ’ ఈ శుక్రవారం ప్రమంచ వ్యాప్తంగా విడుదలయ్యి మిక్స్డ్ టాక్ తో ముందుకుపోతుంది.

Brahmastra Review : బ్రహ్మాస్త్ర రివ్యూ.. కేవలం విజువల్ ఫీస్ట్ మాత్రమేనా??

బీ-టౌన్ స్టార్ కపుల్ రన్‌బీర్-అలియా జంటగా నటిస్తూ, సహా నిర్మాతలుగా వ్యవహరిస్తుండగా..కరణ్ జోహార్ నిర్మిస్తూ ఈ సినిమా హిందీ వెర్షన్ ని సమర్పిస్తున్నాడు. సౌత్ లో ఈ చిత్ర సమర్పణ బాధ్యతలు టాలీవుడ్ జక్కన్న రాజమౌళి తీసుకోగా, అయాన్ ముఖర్జీ దర్శకత్వం వహించిన ఈ సినిమాలో అమితాబ్ బచ్చన్, నాగార్జునలు కీలక పాత్రలు పోషించారు. నాగిని ఫేమ్ మౌని రాయ్ విలన్ గా నటించింది.

ఇక విషయానికి వస్తే..ఈ మధ్య కాలంలో ఏ హిందీ సినిమాకి జరగనంత ప్రీ-బుకింగ్స్ ఈ సినిమాకి జరగడంతో చిత్ర యూనిట్ తో పాటు బాలీవుడ్ కూడా ఊపిరి పీల్చుకుంది. మొదటిరోజుకు గాను ఈ సినిమా వరల్డ్ వైడ్ గా ఏకంగా రూ.75 కోట్ల గ్రాస్ కలెక్ట్ చేసి రికార్డు సృష్టించినట్టు మూవీ మేకర్స్ అధికారికంగా ప్రకటించారు. మొదటి వీకెండ్ ముగిసేపాటికి ఇంకెన్ని రికార్డులు కొల్లగొడుతుందో చూడాలి.