Divija Prabhakar
Divija Prabhakar : జయమ్మ పంచాయతీ ఫేమ్ దినేష్ కుమార్ హీరోగా, ఈటీవీ ప్రభాకర్ కుమార్తె, యాటిట్యూడ్ స్టార్ చంద్రహాస్ చెల్లి దివిజ ప్రభాకర్ హీరోయిన్ గా కొత్త సినిమాని ప్రకటించారు. మురళీధర్ గౌడ్, సుధ, కాశీ విశ్వనాథ్, మిర్చి మాధవి, సత్యశ్రీ, ఇక్బాల్.. పలువురు ముఖ్య పాత్రల్లో తెరకెక్కుతున్న సినిమా ‘వెంకట్రామయ్య గారి తాలూకా’. కోమలి క్రియేషన్స్ బ్యానర్పై కోమలి మహేందర్ తొట్టె, సోమేష్ సారిపల్లి నిర్మాణంలో సతీష్ ఆవాల దర్శకత్వంలో ఈ సినిమా తెరకెక్కుతుంది.(Divija Prabhakar)
పల్లెటూరి నేపథ్యంలో సాగే క్యూట్ లవ్స్టోరీతో పాటు ఫాదర్ సెంటిమెంట్ తో తెరకెక్కుతున్న ఈ సినిమా ఫస్ట్ లుక్, టైటిల్ ని తాజాగా నిర్మాత సురేష్ బాబు లాంచ్ చేసారు. ఈ కార్యక్రమంలో మూవీ టీమ్ పాల్గొన్నారు. ఫస్ట్ లుక్ పోస్టర్ లాంచ్ అనంతరం నిర్మాత సురేష్ బాబు.. టైటిల్ చాలా బాగుందని, సినిమా కూడా బాగుంటుందని అల్ ది బెస్ట్ చెప్పారు.
Also Read : Meher Ramesh : ప్రభాస్ దర్శకుడి ఇంట్లో విషాదం.. మా అమ్మని తనలో చూసుకున్నాను అంటూ ఎమోషనల్ పోస్ట్..
వెంకట్రామయ్య గారి తాలూకా ఫస్ట్ లుక్, టైటిల్ లాంచ్ అనంతరం నటుడు మురళీధర్ గౌడ్ మాట్లాడుతూ.. ఈ సినిమాలో వెంకట్రామయ్య గారు పాత్రను పోషించాను. నేను మనసు పెట్టి చేసిన సినిమా ఇది. ఇందులో చాలా మంచి సందేశం ఉంది అని అన్నారు. నిర్మాత కోమలి మాట్లాడుతూ.. సింగర్ అయిన నేను ఈ సినిమాతో నిర్మాతగా మారాను. ఈ మూవీని ఉగాదికి రిలీజ్ చేయాలని ప్లాన్ చేస్తున్నాం అని తెలిపారు. డైరెక్టర్ సతీష్ మాట్లాడుతూ.. ఈ సినిమా కుటుంబమంతా కలిసి ఆహ్లాదంగా చూడదగ్గ సినిమా. శతమానం భవతి, బలగం, ఆ నలుగురు లాంటి సినిమా ఇది అని తెలిపారు.
