Adivi sesh: ఆ హీరోలకు ఈలలు.. నా సినిమాకు టికెట్లు.. క్రేజ్ గురించి షాకింగ్ కామెంట్స్ చేసిన అడివి శేష్

Hero Adivi Sesh Shocking Comments About Fame

• క్రేజ్ అంటే ఈలలు కాదు
• కంటెంట్ ఉంటేనే కాసుల వర్షం
• పబ్లిసిటీ హంగామాపై అడివి శేష్ షాకింగ్ కామెంట్స్

Adivi sesh: టాలీవుడ్ యంగ్ హీరో అడివి శేష్ బాక్సాఫీస్ సక్సెస్‌కు, పబ్లిక్ క్రేజ్‌కు మధ్య ఉన్న వ్యత్యాసాన్ని వివరిస్తూ ఆసక్తికర వ్యాఖ్యలు చేశారు. ఒక కాలేజీ ఈవెంట్‌లో తనతో పాటు పాల్గొన్న మరో ఇద్దరు హీరోల పేర్లకు వచ్చిన ఈలలు, కేకలతో పోలిస్తే తన పేరుకు తక్కువ స్పందన వచ్చిందని ఆయన గుర్తు చేసుకున్నారు. పైకి చూసేవారికి ఆ ఇద్దరు హీరోలకే ఎక్కువ ఫాలోయింగ్ ఉందనిపించినా, అసలు విషయం మాత్రం నెల రోజుల తర్వాత సినిమాల విడుదలతో తేలిపోయిందని శేష్ పేర్కొన్నారు.

Hansika Motwani: కోర్టు మెట్లెక్కిన ‘దేశముదురు’ హీరోయిన్.. వదినపై రూ. 2 కోట్ల పరువు నష్టం దావా

ఈవెంట్‌లో తక్కువ అరుపులు అందుకున్న శేష్ (Adivi sesh)సినిమాకే మిగతా ఇద్దరి చిత్రాల కంటే రెట్టింపు ఓపెనింగ్స్ రావడం విశేషం. స్టేజ్ మీద హీరోని చూసి అరిచే గోల మాత్రమే అసలైన క్రేజ్ కాదని, ప్రేక్షకులు టికెట్ కొని థియేటర్‌కు వచ్చే నమ్మకమే నిజమైన విజయమని ఆయన స్పష్టం చేశారు. కేవలం సోషల్ మీడియా ఫాలోయింగ్ లేదా పబ్లిసిటీ హంగామా ఆధారంగా ఒక సినిమా సక్సెస్‌ను అంచనా వేయలేమని శేష్ మాటలు నిరూపిస్తున్నాయి.

‘క్షణం’ నుంచి ‘హిట్ 2’ వరకు వరుస విజయాలతో శేష్ తనకంటూ ఒక బలమైన బ్రాండ్‌ను క్రియేట్ చేసుకున్నాడు. ఆయన సినిమా వస్తుందంటే ఖచ్చితంగా మంచి కంటెంట్ ఉంటుందనే భరోసా ప్రేక్షకుల్లో కలిగింది. పస లేని హడావిడి కంటే, కథపై ఉండే నమ్మకమే బాక్సాఫీస్ వద్ద కాసులు కురిపిస్తుందని ఆయన చెప్పుకొచ్చాడు. ప్రస్తుతం ఈ యంగ్ హీరో చేసిన వ్యాఖ్యలు నెట్టింట వైరల్ అవుతూ సినీ వర్గాల్లో చర్చనీయాంశంగా మారాయి.