స్నీక్ పీక్ అని సీన్ చూపించారే! న్యూ టైప్ ఇన్వెస్టిగేషన్..

విశ్వక్ సేన్ నటించిన థ్రిల్లర్ ‘హిట్’ స్నీక్ పిక్..

నేచురల్ స్టార్ నాని సమర్పణలో వాల్ పోస్టర్ సినిమా పతాకంపై ‘ఫలక్ నుమా దాస్’ చిత్రంతో క్రేజ్ తెచ్చుకున్న విశ్వక్ సేన్ హీరోగా నటిస్తున్న సస్పెన్స్ థ్రిల్లర్.. ‘హిట్’ (ది ఫస్ట్ కేస్).. రుహాని శర్మ (చి.ల.సౌ ఫేమ్) హీరోయిన్.. శైలేష్ కొలను దర్శకత్వంలో ప్రశాంతి తిపిర్నేని ఈ చిత్రాన్ని నిర్మించారు. ఇటీవలే ఈ సినిమా ప్రీ రిలీజ్ ఈవెంట్ గ్రాండ్‌గా జరిగింది.

తాజాగా ‘హిట్’ స్నీక్ పీక్ రిలీజ్ చేశారు.  నాలుగు నిమిషాలకు పైగా నిడివి ఉన్న ఈ వీడియోలో సినిమాలోని ఇంట్రెస్టింగ్ సీన్ చూపించారు. ఇన్వెస్టిగేషన్ కొత్త తరహాలో చూపించారు. విశ్వక్ సేన్ సెటిల్డ్ పెర్ఫార్మెన్స్, విజువల్స్, ఆర్ఆర్ బాగున్నాయి. సినిమా హిట్ గ్యారెంటీ అని టీమ్ ఎందుకంత కాన్ఫిడెంట్‌గా ఉన్నారో ఈ స్నీక్ పీక్ చూస్తే అర్థమవుతుంది.

ఫిబ్రవరి 28న ప్రేక్షకులకు థ్రిల్ కలిగించడానికి ‘హిట్’ థియేటర్స్‌‌‌లోకి వస్తోంది. భాను చందర్, బ్రహ్మాజీ, మురళీశర్మ, హరితేజ తదితరులు నటించిన ఈ చిత్రానికి సినిమాటోగ్రఫీ : ఎస్. మణికందన్, ఎడిటింగ్ : గ్యారీ, మ్యూజిక్ : వివేక్‌సాగర్‌, ఫైట్స్ : నభా, ఆర్ట్ : అవినాష్ కొల్లా.