Hyderabad food stall seller Kumari Aunty in telugu tv serials
Kumari Aunty : హైదరాబాద్ లో ఒక చిన్న ఫుడ్ స్టాల్ పై వ్యాపారం చేసుకునే కుమారి ఆంటీ.. సోషల్ మీడియా ద్వారా రెండు తెలుగు రాష్ట్రాల్లో ఎంతో ఫేమ్ ని సంపాదించుకుంది. రెండు లివర్లు వెయ్యి రూపాయిలు అనే ఒక్క మాటతో సోషల్ మీడియాని షేక్ చేసింది. ఇక ఆ తరువాత కుమారి ఆంటీ ఫుడ్ స్టాల్ కి ప్రతి ఒక్కరు క్యూ కట్టారు. అంతేకాదు టాలీవుడ్ సెలబ్రిటీస్ కూడా కుమారీ ఆంటీ స్టాల్ కి వెళ్లి మూవీ ప్రమోషన్స్ చేసారు.
దీంతో కుమారి ఆంటీ స్టాల్ దగ్గర రోజు ఒక జాతర వాతావరణం కనిపించింది. అది కాస్త ట్రాఫిక్ ఇష్యూ కావడం, ఆ తరువాత పోలీసులు ఎంట్రీ ఇవ్వడం జరిగింది. ఈ పోలిసుల ఎంట్రీతో కుమారి ఆంటీ పేరు.. సోషల్ మీడియా నుంచి ప్రైమ్ మీడియాకి వచ్చింది. ఆ పోలిసుల ఇష్యూ పెద్దది అయ్యి తెలంగాణ సీఎం రేవంత్ రెడ్డి వరకు వెళ్లడం, ఆయన కూడా ఆ ఫుడ్ స్టాల్ గురించి రియాక్ట్ అవ్వడంతో.. కుమారి ఆంటీ ఓవర్ నైట్ లో సోషల్ మీడియా స్టార్ అయ్యిపోయింది.
Also read : Oscars 2024 Full List : 96వ ఆస్కార్ అవార్డ్స్ ఫుల్ లిస్ట్.. దుమ్ము దులిపేసిన ఓపెన్ హైమర్, పూర్ థింగ్స్..
ఇక ఆమెకు వచ్చిన స్టార్‌డమ్ తెలుగు టెలివిజన్ రంగం ఓ రేంజ్ లో ఉపయోగించేసుకుంటుంది. తెలుగు ఛానల్స్ లో వచ్చే పలు ఎంటర్టైన్మెంట్ షోలకు కుమారి ఆంటీని తీసుకు వస్తూ.. రెండు తెలుగు రాష్ట్రాల్లోని ప్రతి ఇంటికి కుమారి ఆంటీని పరిచయం చేస్తున్నారు. ఇక ఇన్నిరోజులు ఎంటర్టైన్మెంట్ షోలలో మాత్రమే కనిపించిన కుమారి ఆంటీ.. ఇప్పుడు సీరియల్స్ లోకి కూడా స్పెషల్ గెస్ట్ గా వచ్చేస్తుంది.
ప్రముఖ తెలుగు ఛానల్ జీ తెలుగులో ప్రసారమయ్యే.. ‘రాజేశ్వరి విలాస్ కాఫీ క్లబ్’ సీరియల్ లో కుమారి ఆంటీ స్పెషల్ గెస్ట్ గా ఎంట్రీ ఇచ్చి అందర్నీ సర్‌ప్రైజ్ చేసింది. ఈ ఎపిసోడ్ కి సంబంధించిన ప్రోమోని సీరియల్ నిర్వాహకులు రిలీజ్ చేసారు. ప్రస్తుతం ఈ ప్రోమో నెట్టింట వైరల్ గా మారింది. మరి సీరియల్ లో కుమారి ఆంటీ పర్ఫార్మెన్స్ ఎలా ఉండబోతుందో చూడాలి.
