Kanchu Kanakamaalakshmi : దసరాకి మొదలు పెట్టిన ‘కంచు కనకమాలక్ష్మి’..

Kanchu Kanakamaalakshmi

Kanchu Kanakamaalakshmi : యువన్ టూరింగ్ టాకీస్ బ్యానర్ పై గణేష్ అగస్త్య దర్శకత్వంలో తెరకెక్కుతున్న సినిమా ‘కంచు కనకమాలక్ష్మి’. మల్లిక శంకర్ , కిషోర్ రావు, గౌతమ్ నంద, అమిత శ్రీ, హీరో హీరోయిన్స్ గా ఈ సినిమాతో పరిచయం అవుతున్నారు. నేడు దసరా రోజున ఈ సినిమాకి సంబంధించిన పూజ కార్యక్రమం నిర్వహించి పాటల రికార్డింగ్ తో మొదలుపెట్టారు. అజయ్ పట్నాయక్ సంగీత దర్శకత్వంలో ఈ సాంగ్స్ రికార్డింగ్ ప్రారంభం అయింది.

ఈ సినిమాని వీరేంద్రనాథ్ కోలుకుల, భరత్ అట్లూరి, బృందకర్ గౌడ్ ,రాజేష్ గంగునాయుని, గణపతి నాయుడు సీర, కొండల రావు చూక్కాల కలిసి నిర్మిస్తున్నారు. ఈ సందర్భంగా నిర్మాతలు మాట్లాడుతూ.. ఏడాదికి 3 సినిమాలు చెయ్యాలనే సంకల్పంతో మేము ఒక సిండికేట్ గా ప్రయాణం మొదలుపెట్టాము. మొదటి సినిమాగా ఈ కంచు కనకమాలక్ష్మి, తర్వాత బాయ్ బెస్టీస్ అనే సినిమాలు చేస్తున్నాము అని తెలిపారు.

Also See : Raj Tarun : రాజ్ తరుణ్ కొత్త సినిమా టీజర్ చూశారా? ‘చిరంజీవ’.. డైరెక్ట్ ఓటీటీలోకి..

డైరెక్టర్ గణేష్ అగస్త్య మాట్లాడుతూ.. ఇది క్రైమ్ థ్రిల్లర్ సినిమా. ఈ సినిమా స్క్రీన్ ప్లే అందరికి నచ్చుతుంది. ఇవాళ దసరాకి పాటల రికార్డింగ్ మొదలుపెట్టాము. ఈ నెల 10 నుంచి షూటింగ్ మొదలుకానుంది. విజయనగరం, పట్టిసీమ, అరకు ప్రాంతాల్లో దాదాపు 28 రోజులు షూటింగ్ ప్లాన్ చేసాము. తరువాత హైదరాబాద్ లో షూట్ జరగనుంది అని తెలిపారు. మ్యూజిక్ డైరెక్టర్ అజయ్ పట్నాయక్ మాట్లాడుతూ.. ఈ సినిమాలో మొత్తం 4 సాంగ్స్ ఉన్నాయి. కంచు కనకమాలక్ష్మి టైటిల్ సాంగ్ బాగా రీచ్ అవుతుంది. ఫేమస్ సింగర్ తో ఆ పాట పాడిస్తున్నాము అని తెలిపారు.