ప‌వ‌న్ అందాన్ని, వీర‌త్వాన్ని వ‌ర్ణిస్తున్న అన‌సూయ‌, పూజితా పొన్నాడ‌.. ‘కొర కొర మీసాల‌తో కొద‌మ కొద‌మ అడుగుల‌తో..’

హ‌రిహ‌ర వీర‌మ‌ల్లు నుంచి రెండో పాట ప్రొమోను విడుద‌ల చేశారు.

Kollagottinadhiro Promo from Hari Hara Veera Mallu

పవర్ స్టార్ పవన్ కళ్యాణ్ న‌టిస్తున్న మూవీల్లో హ‌రిహ‌ర వీర‌మ‌ల్లు ఒక‌టి. పీరియాడిక‌ల్ బ్యాక్‌డ్రాప్‌లో తెర‌కెక్కుతున్న ఈ చిత్రం పై ప్రేక్ష‌కుల్లో భారీ అంచ‌నాలే ఉన్నాయి. మార్చి 28న ఈ సినిమా ప్ర‌పంచ వ్యాప్తంగా ప్రేక్ష‌కుల ముందుకు రానుంది. ఈ నేప‌థ్యంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది. అందులో భాగంగా ఈ చిత్రంలోని ఒక్కొ పాట‌ను విడుద‌ల చేస్తోంది.

ఇప్ప‌టికే ప‌వ‌న్ పాడిన పాట మాట‌వినాలిని విడుద‌ల చేయ‌గా అదిరిపోయే స్పంద‌న వ‌చ్చింది. తాజాగా ఈ చిత్రం నుంచి రెండో పాట కొల్లగొట్టినాదిరో సాంగ్ ప్రొమోను విడుద‌ల చేసింది. ఇందులో ప‌వ‌న్ క‌ర్ర‌ప‌ట్టుకుని న‌డుచుకుంటూ వ‌స్తుండ‌గా.. కొర కొర మీసాల‌తో కొద‌మ కొద‌మ అడుగుల‌తో అంటూ అన‌సూయ‌, పూజితా పొన్నాడ‌లు ప‌వ‌న్ ధీర‌త్వాన్ని, అందాన్ని వ‌ర్ణిస్తున్నారు.

Emoji : తెలుగులోకి వ‌స్తున్న త‌మిళ రొమాంటిక్ వెబ్ సిరీస్‌.. ఎందులోనో తెలుసా?

ఇక పూర్తి పాట ఫిబ్ర‌వ‌రి 24న మ‌ధ్యాహ్నాం 3 గంట‌ల‌కు విడుద‌ల చేయ‌నున్న‌ట్లు చిత్ర బృందం తెలిపింది. ప్ర‌స్తుతం ఈ పాట ప్రొమో వైర‌ల్‌గా మారింది.

Marco : ఆహాలో స్ట్రీమింగ్ అవుతోన్న యాక్షన్ థ్రిల్లర్ మూవీ ‘మార్కో’

క్రిష్ జాగర్లమూడి ఈ చిత్ర సగ‌భాగానికి పైగా ద‌ర్శకత్వం వహించారు. అయితే.. కొన్ని కార‌ణాల వ‌ల్ల ఆయ‌న త‌ప్పుకోగా మిగిలిన పోర్షన్ కు జ్యోతి కృష్ణ దర్శకత్వం వహిస్తున్నారు. నిధి అగర్వాల్ క‌థానాయిక‌గా న‌టిస్తోన్న ఈ చిత్రాన్ని సూర్య మూవీస్ బ్యానర్ పై ఏఎం రత్నం నిర్మిస్తున్నారు. బాలీవుడ్ నటుడు అర్జున్ రాంపాల్‌, న‌ర్గీస్ ఫ‌క్రీ, బాబీ డియోల్ కీలక పాత్రలు పోషిస్తుండ‌గా.. ఎంఎం కీర‌వాణి సంగీతాన్ని అందిస్తున్నారు.