Salaar : ప్రభాస్ ‘సలార్’తో పోటీపడటానికి రెడీ అయిన తమిళ వివాదాస్పద నటుడు..

Mansoor Ali Khan Tamil Movie Sarakku Ready to Releasing on Prabhas Salaar Releasing Date

Salaar Movie : ప్రశాంత్ నీల్(Prashanth Neel) దర్శకత్వంలో ప్రభాస్(Prabhas) హీరోగా తెరకెక్కుతున్న సలార్ సినిమా ఇప్పటికే అనేకసార్లు వాయిదా పడి ఇప్పుడు డిసెంబర్ 22న రిలీజ్ కాబోతుంది. సలార్ రెండు పార్టులుగా వస్తుండటంతో సలార్ పార్ట్ 1 సీజ్ ఫైర్ సినిమా డిసెంబర్ 22న గ్రాండ్ పాన్ ఇండియా సినిమాగా వరల్డ్ వైడ్ రిలీజ్ కాబోతుంది. ఈ సినిమా కోసం అభిమానులు ఇప్పటికే ఆతృతగా ఎదురు చూస్తున్నారు.

సలార్ సినిమాకు పోటీగా ఆల్రెడీ షారుఖ్ ఖాన్ ‘డంకీ’ సినిమా రాబోతుంది. మొదట డంకీ సినిమా కూడా సలార్ రోజే డిసెంబర్ 22న రిలీజ్ ప్రకటించినా ఆ తర్వాత క్లాష్ మరింత పెద్దది అవుతుందని ఒక్క రోజు ముందుకి జరిపి డిసెంబర్ 21న రిలీజ్ చేస్తున్నట్టు ప్రకటించారు. ఇప్పటివరకైతే ఆ డేట్స్ లో ఈ రెండు సినిమాలు తప్ప ఏ పరిశ్రమలోనూ ఇంకే సినిమాలు ప్రకటించలేదు.

తాజాగా సలార్ సినిమాతో తమిళ సినిమా ఒకటి క్లాష్ కి రానుంది. ఇటీవల త్రిషపై వివాదాస్పద వ్యాఖ్యలు చేసిన తమిళ నటుడు మన్సూర్ అలీఖాన్ ఈ వివాదంతో ప్రస్తుతం ట్రెండింగ్ లో ఉన్నాడు. అయితే మన్సూర్ అలీఖాన్ మెయిన్ లీడ్ లో నటించిన సరక్కు అనే సినిమా రిలీజ్ కి రెడీగా ఉంది. గత కొద్ది రోజులుగా ఈ సినిమా ప్రమోషన్స్ తో బిజీగా ఉన్నాడు మన్సూర్. తాజాగా ఈ సినిమా రిలీజ్ డేట్ ని ప్రకటించారు. మన్సూర్ అలీఖాన్ మెయిన్ లీడ్ లో తెరకెక్కిన సరక్కు సినిమా డిసెంబర్ 22న రిలీజ్ చేయబోతున్నట్టు ప్రకటించారు. ఈ సినిమా మన్సూర్ తన సొంత నిర్మాణంలో తెరకెక్కిస్తున్నారు.

Also Read : Janhvi – Kushi Kapoor : అక్క తెలుగు ఎంట్రీ.. చెల్లి తమిళ్ ఎంట్రీ.. శ్రీదేవి కూతుళ్లు సౌత్ ని ఏలుతారా?

దీంతో తమిళ్ లో ఈ సినిమా సలార్ తో క్లాష్ కి రానుంది. అయితే ప్రస్తుతం మన్సూర్ వివాదంలో ఉండటంతో పలువురు ఈ సినిమా రిలీజ్ ఆపడానికి ట్రై చేస్తున్నారని, అయినా రిలీజ్ చేసి తీరతాను అని మన్సూర్ తాజాగా ఓ ప్రెస్ మీట్ లో తెలిపాడు. మరి సరక్కు సినిమా సలార్ రిలీజ్ రోజే థియేటర్స్ లోకి వస్తుందా లేక మన్సూర్ పై ఏవైనా చర్యలు తీసుకుంటే ఈ సినిమా ఆగుతుందా చూడాలి.