Mardaani 3: నెట్‌ఫ్లిక్స్‌ను షేక్ చేస్తున్న క్రైమ్ థ్రిల్లర్.. దెబ్బకు పత్తాలేకుండా పోయిన ‘ధురంధర్’

Mardaani 3 surpassed Dhurandhar to become No. 1 film on Netflix

• ఓటీటీలో ధురంధర్ ను వెనక్కి నెట్టేసిన మర్దానీ 3
  
• రాణి ముఖర్జీ సినిమాకు ఫుల్ డిమాండ్
• విడుదలై వారం గడుస్తున్నా టాప్ పొజిషన్ లోనే

Mardaani 3: ఆదిత్య ధర్ దర్శకత్వంలో భారీ అంచనాల మధ్య థియేటర్లలోకి వచ్చిన ‘ధురంధర్’ ఏ రేంజ్ లో సెన్సేషన్ క్రియేట్ చేసిందో ప్రత్యేకంగా చెప్పాల్సిన పనిలేదు. ఈ యాక్షన్ డ్రామా ప్రేక్షకులను విశేషంగా ఆకట్టుకుంది. బాక్సాఫీస్ వద్ద సరికొత్త రికార్డ్స్ క్రియేట్ చేసింది. కానీ, ఓటీటీలో మాత్రం ఒక పాత ఇమేజ్ ఉన్న క్రైమ్ థ్రిల్లర్ దీనికి గట్టి పోటీనిస్తోంది. నెట్‌ఫ్లిక్స్‌లో ‘ధురంధర్’ సినిమాను దాటి రాణీ ముఖర్జీ నటించిన ‘మర్దానీ 3(Mardaani 3)’ టాప్ ప్లేస్‌లో ట్రెండింగ్ అవుతుండటం సినీ వర్గాలను ఆశ్చర్యానికి గురిచేస్తోంది. థియేటర్లలో రన్ అవుతున్న ‘ధురంధర్’, సన్నీ డియోల్ ‘బోర్డర్ 2’ వంటి క్రేజీ ప్రాజెక్టులను వెనక్కి నెట్టి మరీ ఈ చిత్రం నెట్‌ఫ్లిక్స్ టాప్ 10 జాబితాలో నంబర్ వన్ స్థానాన్ని కైవసం చేసుకుంది.

Mrunal Thakur: డెకాయిట్ మూవీ వర్కింగ్ స్టిల్స్ షేర్ చేసిన మృణాల్.. క్రేజీ ఫోటోలు వైరల్

అభిరాజ్ మినావాలా దర్శకత్వంలో పవర్‌ఫుల్ క్రైమ్ డ్రామాగా తెరకెక్కిన ‘మర్దానీ 3’ మానవ అక్రమ రవాణా అనే సున్నితమైన అంశం చుట్టూ తిరుగుతుంది. ఏసీపీ శివానీ శివాజీ రాయ్‌గా రాణీ ముఖర్జీ తన విశ్వరూపాన్ని ప్రదర్శించారు. ముఖ్యంగా అక్రమ రవాణాకు గురైన 93 మంది చిన్నారులను రక్షించే క్రమంలో సాగే ఉత్కంఠభరిత సన్నివేశాలు ప్రేక్షకులకు గూస్ బంప్స్ తెప్పిస్తున్నాయి. ఈ చిత్రం కేవలం 2 గంటల 9 నిమిషాల నిడివితో ఉండి, ఆద్యంతం ఉత్కంఠను రేకెత్తిస్తూ సాగుతుంది. అందుకే ఈ సినిమా ఐఎండీబీలో 7.1 రేటింగ్‌తో దూసుకుపోతోంది. ఓటీటీ ప్రియులు ప్రస్తుతం ఈ ఇన్వెస్టిగేటివ్ థ్రిల్లర్‌ను చూసేందుకే ఎక్కువ ఆసక్తి చూపిస్తున్నారు.

యష్ రాజ్ ఫిల్మ్స్ భారీ వ్యయంతో నిర్మించిన ఈ చిత్రం బాక్సాఫీస్ వద్ద కూడా మంచి వసూళ్లను రాబట్టింది. సుమారు రూ. 60 కోట్ల బడ్జెట్‌తో రూపొందిన ‘మర్దానీ 3’ ప్రపంచవ్యాప్తంగా రూ. 76.22 కోట్ల గ్రాస్ వసూలు చేయగా, ఇండియాలో రూ.51.77 కోట్ల నెట్ కలెక్షన్లను రాబట్టింది. థియేటర్లలో భారీ వసూళ్లు సాధించిన ‘ధురంధర్’ వంటి సినిమాలే ఇప్పుడు నెట్‌ఫ్లిక్స్‌లో ‘మర్దానీ’ పవర్ ముందు తలవంచాల్సి వస్తోంది. మార్చి 27న డిజిటల్ స్ట్రీమింగ్‌లోకి వచ్చిన ఈ సినిమా, ఇప్పటికీ అగ్రస్థానంలో కొనసాగుతూ రాణీ ముఖర్జీ స్టార్ పవర్‌ను మరోసారి నిరూపించింది.