Chiranjeevi : 48 ఏళ్ల క్రితం ఇదే రోజు.. చిరంజీవి భావోద్వేగ పోస్ట్..

Mega Star Chiranjeevi emotional post about 48 years of his career

Chiranjeevi : నేటితో (22 సెప్టెంబర్) త‌న సినీ ప్ర‌యాణం మొద‌లై 48 సంవ‌త్స‌రాలు పూర్తి అయింద‌ని మెగాస్టార్ చిరంజీవి తెలిపారు. ఆ రోజు చిరంజీవి అని తాను పెట్టుకున్న పేరు.. నేడు త‌న‌కు ద‌క్కిన శాశ్వత గుర్తింపు అంటూ సోష‌ల్ మీడియాలో భావోద్వేగ పోస్టును పంచుకున్నారు. చిరంజీవి న‌టించిన చిత్రం ప్రాణం ఖ‌రీదు విడుద‌లై నేటికి 48 ఏళ్లు పూర్తి అయ్యాయి.

’22 సెప్టెంబర్ 1978.. ఆరోజు మొదలైన నా సినీ ప్రయాణం నేటితో 48 వసంతాలు పూర్తి చేసుకుంది. ఈ 48 ఏళ్లలో ఎన్నో పాత్రలు పోషించాను. ఎన్నో విజయాలను చూశాను. ఎన్నో అవార్డులు, గౌరవాలు అందుకున్నాను. ఈ సుదీర్ఘ ప్రయాణంలో నన్ను నమ్మి అవకాశాలు ఇచ్చిన ప్రతి నిర్మాతకు, నాలోని నటుడిని కొత్త కొత్త కోణాల్లో ఆవిష్కరించిన ప్రతి దర్శకుడికి, నా ప్రతి సినిమా వెనుక అహర్నిశలు శ్రమించిన నటీనటులకు, సాంకేతిక నిపుణులకు, ప్రతి ఒక్కరికీ నా హృదయపూర్వక కృతజ్ఞతలు. మీ అందరి సహకారమే నన్ను ఈరోజు ఈ స్థాయిలో నిలబెట్టింది.

అయితే ఆ విజయాలన్నింటికంటే గొప్పది.. మీరు నాపై చూపించిన ప్రేమ. ఆ గౌరవాలన్నింటికంటే విలువైనది.. మీ హృదయాల్లో నాకు ఇచ్చిన స్థానం. నన్ను మీ కుటుంబ సభ్యుడిగా భావించి, ఇంతటి అపూర్వమైన ప్రేమాభిమానాలను అందించిన ప్రతి ఒక్క అభిమానికి నా హృదయపూర్వక ధన్యవాదాలు. ఆరోజు “చిరంజీవి” అనేది నేను పెట్టుకున్న పేరు. నేడు మీ ప్రేమతో అది నాకు దక్కిన శాశ్వతమైన గుర్తింపు. మీ ప్రేమకు, అభిమానానికి ఎప్పటికీ కృతజ్ఞతలతో మీ చిరంజీవి.’ అంటూ మెగాస్టార్ చిరంజీవి సోష‌ల్ మీడియాలో రాసుకొచ్చారు.

Renu Desai : వ‌య‌సైపోతుంది.. తెల్ల జుట్టు, ముడ‌త‌లు.. ఫోటోలు పోస్ట్ చేసిన రేణు దేశాయ్..