Megastar Chiranjeevi Bholaa Shankar Teaser Released
Bholaa Shankar Teaser : మెగాస్టార్ చిరంజీవి( Chiranjeevi), త‌మ‌న్నా(Tamannaah) జంట‌గా న‌టిస్తున్న చిత్రం భోళా శంకర్(Bhola Shankar ). కీర్తి సురేష్ ఇందులో చిరంజీవికి చెల్లెలి పాత్రలో నటిస్తుంది. సుశాంత్ కూడా ఈ సినిమాలో ఒక ముఖ్య పాత్రలో నటిస్తున్నాడు. మెహర్ రమేష్(Meher Ramesh) ద‌ర్శ‌క‌త్వంలో ఏకే ఎంటర్‌టైన్మెంట్స్ పతాకంపై రామబ్రహ్మం సుంకర ఈ సినిమాని తెరకెక్కిస్తున్నారు.
భోళా శంకర్ సినిమా తమిళ్ లో అజిత్ చేసిన వేదాళం సినిమాకు రీమేక్ గా తెరకెక్కుతుంది. ఇప్పటికే షూటింగ్ పూర్తయిన ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. ఇక భోళా శంకర్ సినిమాని ఆగ‌స్టు 11న రిలీజ్ చేస్తున్నట్టు గతంలోనే ప్రకటించారు. తాజాగా ఈ సినిమా నుంచి టీజర్ రిలీజ్ చేశారు చిత్రయూనిట్. ఈ సినిమాలో చిరు తెలంగాణ భాషలో క్యారెక్టర్ చేస్తున్నట్టు తెలుస్తుంది. టీజర్ లో ఫుల్ మాస్ గా చిరుని చూపించారు. చివర్లో స్టేట్ డివైడ్ అయినా అంతా నా వాళ్ళే అంటూ డైలాగ్ అదరగొట్టారు మెగాస్టార్.
