MR King Movie To Be Watched By Everyone
MR King: లెజెండరీ లేడీ డైరెక్టర్ విజయనిర్మల మనవడు, నటుడు నరేశ్‌ కజిన్‌ రాజ్‌కుమార్‌ కొడుకు శరణ్ కుమార్ హీరోగా, శశిధర్ చావలి డైరెక్ట్ చేస్తున్న పూర్తి యూత్‌ఫుల్ ఫ్యామిలీ ఎంటర్‌టైనర్ మూవీ ‘మిస్టర్ కింగ్’. ఇప్పటికే షూటింగ్ పనులు ముగించుకున్న ఈ సినిమాను ప్రేక్షకుల ముందుకు తీసుకొచ్చేందుకు చిత్ర యూనిట్ రెడీ అయ్యింది. హన్విక క్రియేషన్ బ్యానర్‌పై ఈ సినిమాను బి.ఎన్‌.రావు నిర్మించారు.
ఇక ఈ సినిమాలో యశ్విక నిష్కల, ఊర్వీ సింగ్‌ హీరోయిన్స్‌గా నటించారు. మణిశర్మ మ్యూజిక్ అందించిన ఈ సినిమాలోని పాటలు ఇప్పటికే సూపర్ హిట్ అయ్యాయి. ఇప్పటికే రిలీజ్ అయిన ఈ చిత్ర టీజర్‌కు ట్రెమండస్ రెస్పాన్స్ వచ్చిందని చిత్ర యూనిట్ ధీమా వ్యక్తం చేస్తోంది. ఇక ఈ సినిమాను ఈనెల 24న రిలీజ్ చేసేందుకు చిత్ర యూనిట్ రెడీ అయ్యింది. ఈ క్రమంలో చిత్ర దర్శకుడు శశిధర్ మాట్లాడుతూ.. ‘‘ఆత్మాభిమానం ఉన్న ఓ అబ్బాయి కథ ఇది. ప్రేక్షకుడు తనని తాను హీరోగా చూసుకునే కథ ఈ సినిమా సొంతం. సినిమాలో ప్రేక్షకులను ఆకట్టుకునే చాలా అద్భుతమైన విషయాలు ఉన్నాయి.’’ అని అన్నారు.
కాగా ఇటీవల ఈ సినిమా స్పెషల్ స్క్రీనింగ్ వేసినపుడు సినిమా చూసిన ప్రేక్షకులు చివర్లో కన్నీళ్లు పెట్టుకున్నారని చూసిన వారు చెప్పారని చిత్ర యూనిట్ తెలిపింది. ఇక ఈ సినిమా ఖచ్చితంగా ప్రేక్షకులను ఎంటర్‌టైన్ చేస్తుందని.. యూత్ విజల్స్ వేసే చాలా బ్లాక్స్ ఇందులో ఉన్నాయని.. సినిమా థియేటర్ నుంచి బయటికి వెళ్ళినపుడు ప్రతిఒక్కరు చిరునవ్వుతో వెళ్తారని చిత్ర యూనిట్ ధీమా వ్యక్తం చేస్తోంది. ఇక ఈ సినిమాకు 24న ప్రేక్షకులు పట్టం కట్టడం ఖాయమని చిత్ర యూనిట్ ధీమా వ్యక్తం చేస్తోంది.
