Mrunal Thakur : బాలీవుడ్ భామ మృణాల్ ఠాకూర్.. సీతారామం సినిమాతో టాలీవుడ్ కి పరిచయం అయ్యింది. మొదటి సినిమాతో టాలీవుడ్ లో బిగ్గెస్ట్ పాపులారిటీ సంపాదించుకుంది. ప్రస్తుతం నాని 30వ సినిమాతో మరోసారి తెలుగు సినిమాలో నటిస్తుంది. ప్రస్తుతం ఈ ముద్దుగుమ్మ వెకేషన్ టూర్ లో ఉంది. కొన్ని రోజులు నుంచి టూర్ కి సంబంధించిన ఫోటోలను షేర్ చేస్తూ వస్తున్న ఈ భామ.. తాజాగా తనని ఒక హ్యాకర్ బ్లాక్ మెయిల్ చేస్తున్నాడంటూ ఒక వీడియో రిలీజ్ చేసింది. అది చూసి అందరూ షాక్ అవుతున్నారు.
Rana Naidu : రానా నాయుడు.. ఫ్యామిలీ హీరో వెంకటేష్ ఈ రేంజ్ అడల్ట్ సిరీస్ ని ఎలా ఓకే చేశాడు?
అయితే ఈ వీడియోలో చెప్పింది నిజం కాదు. ఒక వెబ్ సిరీస్ ప్రమోషన్ కోసం మృణాల్ ఇలా వీడియో చేసింది. టాలీవుడ్ హీరోలు వెంకటేష్, రానా కలిసి నటించిన ‘రానా నాయుడు’లో.. రానా సెలబ్రేటిస్ కి వచ్చిన ప్రాబ్లెమ్స్ పరిష్కారిస్తుంటాడు. దీంతో పలువురు సెలబ్రేటిస్ ఈ సిరీస్ ని ప్రమోట్ చేస్తూ వస్తున్న సంగతి తెలిసిందే. ఈ క్రమంలోనే మృణాల్ ఠాకూర్ కూడా అలా ప్రమోట్ చేసింది. అమెరికన్ సిరీస్ ‘రే డోనోవన్’కు ఇది అడాప్టేషన్ గా తెరకెక్కిన ఈ వెబ్ సిరీస్ మార్చి 10న నెట్ ప్లిక్స్ లో రిలీజ్ అయ్యింది.
పూర్తి అడల్ట్ కంటెంట్ తో వచ్చిన ఈ సిరీస్ కొంతమంది ఆడియన్స్ నుంచి వ్యతిరేకతని ఎదురుకుంటుంది. అసలు ఫ్యామిలీ హీరోగా కనిపించే వెంకటేష్ ఈ సిరీస్ పూర్తి విరుద్ధంగా కనిపించడంతో తెలుగు ఆడియన్స్ అంగీకరించలేక పోతున్నారు. అయితే బాలీవుడ్ లో మాత్రం ఈ సిరీస్ సూపర్ హిట్టుగా నిలిచింది. ప్రస్తుతం ఈ సిరీస్ నెట్ ప్లిక్స్ లో నెంబర్ 1 పొజిషన్ లో ఉంది.
