Thaman: DSP గౌరవం కోసం వెనక్కి తగ్గిన తమన్.. మా తమన్ అన్న బంగారం అంటూ కామెంట్స్

Netizens are praising Thaman on social media.

• ఉస్తాద్ ఈవెంట్ లో కనిపించని దేవి, తమన్
• కారణం చెప్పిన తమన్
• సోషల్ మీడియాలో ప్రశంసలు

Thaman: పవర్ స్టార్ పవన్ కళ్యాణ్ హీరోగా వస్తున్న లేటెస్ట్ మూవీ ‘ఉస్తాద్ భగత్ సింగ్’. హరీష్ శంకర్ తెరకెక్కించిన ఈ మాస్ ఎంటర్టైనర్ మూవీ ప్రీ-రిలీజ్ ఈవెంట్ ఇటీవల హైదరాబాద్ లో అత్యంత వైభవంగా జరిగింది. ఈ వేడుకకు చిత్ర యూనిట్ మొత్తం హాజరైనప్పటికీ, సంగీత దర్శకులు దేవి శ్రీ ప్రసాద్, తమన్ కనిపించకపోవడం అభిమానుల్లో చర్చకు దారితీసింది. సాధారణంగా ఇలాంటి మెగా ఈవెంట్స్ లో మ్యూజిక్ డైరెక్టర్ల సందడి మామూలుగా ఉండదు.

Shivaji: ‘సరిపోదా శనివారం’ చూసి అద్దాన్ని పగలగొట్టిన శివాజీ.. అసలు ఏం జరిగిందంటే?

కానీ ఈసారి ఇద్దరూ కనపడకపోవడం నెటిజన్లు రకరకాలుగా స్పందించారు. అయితే, తమన్(Thaman) ఈ వేడుకకు రాకపోవడం వెనుక ఉన్న కారణం తెలిశాక ఇప్పుడు అందరూ ఆయనపై ప్రశంసలు కురిపిస్తున్నారు. ఉస్తాద్ భగత్ సింగ్ చిత్రానికి దేవి శ్రీ ప్రసాద్ సంగీత దర్శకుడిగా వ్యవహరించారు. అయితే, ఆయన చెన్నైలో వేరే సినిమా పనుల్లో బిజీగా ఉండటం వల్ల ఈ సినిమాకు నేపథ్య సంగీతం (BGM) బాధ్యతలను తమన్ భుజాన వేసుకున్నారు. సినిమాకు ప్రాణం పోసే బిజీఎమ్ అందించినప్పటికీ, తమన్ ప్రీ-రిలీజ్ ఈవెంట్‌కు దూరంగా ఉండాలని నిర్ణయించుకున్నారు.

దీనిపై తమన్ స్పందిస్తూ.. “ఈ సినిమాకు మెయిన్ మ్యూజిక్ డైరెక్టర్ దేవి శ్రీ ప్రసాద్. నేను కేవలం నేపథ్య సంగీతం మాత్రమే అందించాను. ఒరిజినల్ మ్యూజిక్ డైరెక్టర్ రాకుండా, నేను ఆ వేదికపైకి వెళ్లడం పద్ధతి కాదు. అది ఆయనకు ఇచ్చే గౌరవం” అని చెప్పాడట. తమన్ తీసుకున్న ఈ నిర్ణయం ఇప్పుడు సోషల్ మీడియాలో హాట్ టాపిక్ గా మారింది. తోటి కళాకారుడి పట్ల ఆయన చూపించిన మర్యాద, వృత్తిపరమైన విలువలకు నెటిజన్లు ఫిదా అవుతున్నారు. మా తమన్ అన్న బంగారం అంటూ అభిమానులు కామెంట్స్ చేస్తున్నారు. ఇక ఉస్తాద్ భగత్ సింగ్ సినిమా మార్చి 19న ప్రేక్షకుల ముందుకు రానుంది. మరి భారీ అంచనాల మధ్య వస్తున్న ఈ సినిమా బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుంది అనేది చూడాలి.