OG Movie: ఓజి కోసం సుజిత్ మాస్టర్ ప్లాన్.. మూడు వేరియేషన్స్‌లో పవన్..?

OG Movie: డైరెక్టర్ సుజిత్ తన నెక్ట్స్ మూవీని పవర్ స్టార్ పవన్ కల్యాణ్‌తో చేస్తున్నట్లు అనౌన్స్ చేసినప్పటి నుండి ఈ సినిమా ఎలా ఉండబోతుందా.. ఈ సినిమాలో పవన్‌ను సుజిత్ ఎలా చూపిస్తాడా అని అభిమానులతో పాటు ప్రేక్షకులు కూడా ఆసక్తిగా చూస్తున్నారు. ఇక ఈ సినిమాను ‘OG’ అనే వర్కింగ్ టైటిల్‌తో చిత్ర యూనిట్ రూపొందిస్తుండగా, ఇప్పటికే ఈ మూవీ షూటింగ్ శరవేగంగా జరపుకుంటోంది.

OG Movie: ఓజి నెక్ట్స్ స్టాప్ ఎక్కడో తెలుసా.. మనోళ్లకి పండగే!

ఒరిజినల్ గ్యాంగ్‌స్టర్ అనే టైటిల్‌ను ఈ సినిమాకు ఫిక్స్ చేసేందుకు మేకర్స్ ప్లాన్ చేస్తున్నారు. కాగా, ఈ సినిమాలో పవన్ పాత్ర ఎలా ఉండబోతుందా అనే విషయంపై చిత్ర వర్గాల్లో తాజాగా ఓ వార్త జోరుగా వినిపిస్తోంది. ఈ సినిమాను దర్శకుడు సుజిత్ అత్యంత ప్రెస్టీజియస్‌గా తీసుకున్నాడని.. అందుకే ఈ సినిమాలో పవన్‌ను ఎవరూ ఊహించని విధంగా ప్రెజెంట్ చేయబోతున్నాడట. ఓజి మూవీలో పవన్‌ను ఏకంగా మూడు వైవిధ్యమైన వేరియేషన్స్‌లో చూపించేందుకు సుజిత్ ప్లాన్ చేస్తున్నాడట.

OG Movie: ఓజి మూవీలో జాయిన్ అయిన వెర్సటైల్ యాక్టర్.. ఎవరంటే..?

ఓజి మూవీలో పవన్ ఓ టీనేజర్, ఒక కాలేజీ స్టూడెంట్, గ్యాంగ్‌స్టర్ పాత్రల్లో కనిపించబోతున్నాడట. ఇలా మూడు వైవిధ్యమైన లుక్స్‌లో పవన్ కనిపించనుండటంతో ఈ సినిమా ఎలాంటి రికార్డులను క్రియేట్ చేస్తుందా అని అందరూ ఆతృతగా చూస్తున్నారు. ఈ సినిమాలో ప్రియాంక మోహన్ హీరోయిన్‌గా నటిస్తోండగా, ఆమె పాత్ర ఎలా డిజైన్ చేశారా అనే ఆసక్తి నెలకొంది. ఇక అప్పుడెప్పుడో ‘పంజా’ మూవీలో గ్యాంగ్‌స్టర్‌గా కనిపించిన పవన్, ఇన్నాళ్ల తరువాత మరోసారి డాన్ లుక్‌లో ప్రేక్షకులను అలరించేందుకు రెడీ అయ్యాడు. ఈ సినిమాకు థమన్ సంగీతం అందిస్తుండగా, డివివి దానయ్య ఈ సినిమాను అత్యంత భారీ బడ్జెట్‌తో ప్రొడ్యూస్ చేస్తున్నారు.