Prabhas Maruthi Movie First look and title announce update
Prabhas : రెబల్ స్టార్ ప్రభాస్ డైరెక్టర్ మారుతితో ఓ సినిమా చేస్తున్న సంగతి తెలిసిందే. ఈ చిత్రాన్ని అధికారికంగా ప్రకటించినప్పటికీ షూటింగ్ ని మాత్రం జరుపుకుంటూ వస్తున్నారు. ఇప్పటికే పలు షెడ్యూల్స్ పూర్తి చేసుకున్న ఈ చిత్రాన్ని ఇప్పుడు అఫీషియల్ గా అనౌన్స్ చేయడంతో పాటు మూవీ టైటిల్ అండ్ ఫస్ట్ లుక్ ని కూడా రిలీజ్ చేయడానికి కూడా మేకర్స్ సిద్దమయ్యారట.
రెబల్ అభిమానులకు సంక్రాంతి కానుకగా ఈ సినిమా అప్డేట్ ని ఇవ్వబోతున్నారట. సినిమాని అఫీషియల్ గా ప్రకటిస్తూ టైటిల్ అండ్ ఫస్ట్ లుక్ ని రిలీజ్ చేయనున్నారట. ఇప్పటికే ఈ మూవీ నుంచి లీక్ అయిన ప్రభాస్ లుక్స్ ఆడియన్స్ ని బాగా ఆకట్టుకున్నాయి. దీంతో ఇప్పుడు ఫస్ట్ లుక్ పై మంచి అంచనాలే క్రియేట్ అయ్యాయి. కాగా ఈ చిత్రానికి ‘రాజా డీలక్స్’ అనే టైటిల్ ని అనుకుంటున్నట్లు సమాచారం.
Also read : Vyooham : వ్యూహం సినిమా విడుదలకు హైకోర్టు బ్రేక్..
People Media Factory proudly unveils the Dinosaur transformed into an absolute DARLING ?
First Look and Title will be unveiled on Pongal ?#Prabhas #PrabhasPongalFeast ❤️?
A @DirectorMaruthi film. @vishwaprasadtg @peoplemediafcy @vivekkuchibotla pic.twitter.com/vGErsqcv1z
— People Media Factory (@peoplemediafcy) December 29, 2023
మరి మూవీ టీం అదే టైటిల్ ని అనౌన్స్ చేస్తుందా లేదా మరో టైటిల్ ని ప్రకటిస్తుందా అనేది చూడాలి. ఈ సినిమా హారర్ కామెడీ బ్యాక్ డ్రాప్ తో తెరకెక్కుతున్నట్లు తెలుస్తుంది. ప్రభాస్ తో ఈ సినిమాలో మంచి కామెడీ పండించబోతున్నాడట మారుతి. ఇక ప్రభాస్ సరసన ఈ సినిమాలో నిధి అగర్వాల్, రిధి కుమార్, మాళవిక మోహనన్ నటిస్తున్నారట. పీపుల్ మీడియా ఫ్యాక్టరీ ఈ చిత్రాన్ని పాన్ ఇండియా మూవీగా తెరకెక్కిస్తోంది.
ఇది ఇలా ఉంటే, ఈ సంక్రాంతి రిలీజ్ కావాల్సిన ప్రభాస్ ‘కల్కి’ సినిమా పోస్టుపోన్ అయిన సంగతి తెలిసిందే. ఆ మూవీని ఎప్పుడు రిలీజ్ చేయబోతున్నారు అనేది ప్రశ్నగా మారింది. మరి ఆ విషయం పై కూడా సంక్రాంతికి ఏమైనా అప్డేట్ వస్తుందా అనేది చూడాలి. నాగ్ అశ్విన్ దర్శకత్వం వహిస్తున్న ఈ సినిమాలో లోకనాయకుడు కమల్ హాసన్ విలన్గా కనిపించనుండగా దీపికా పదుకొనే, దిశా పటాని హీరోయిన్స్ గా నటిస్తున్నారు. అమితాబ్ బచ్చన్ ఒక ముఖ్య పాత్ర చేస్తున్నారు.