Prabhas wants to do a movie with this director
Prabhas : బాలకృష్ణ హోస్ట్ గా ఆహా ఓటీటీలో వస్తున్న అన్‌స్టాపబుల్ షో సక్సెస్ ఫుల్ గా దూసుకుపోతున్న సంగతి తెలిసిందే. ఆరు ఎపిసోడ్స్ ఇప్పటికే పూర్తికాగా ఏడో ఎపిసోడ్ లో ప్రభాస్ ని తీసుకొచ్చారు. ప్రభాస్ ఈ షోకి వస్తున్నాడు అని తెలియడంతో ముందునుంచి ఈ ఎపిసోడ్ పై అంచనాలు బాగా పెరిగిపోయాయి. దేశవ్యాప్తంగా ఉన్న ప్రభాస్ అభిమానులు ఈ ఎపిసోడ్ కోసం ఎంతో ఆతృతగా ఎదురు చూశారు. అయితే ప్రభాస్ అన్‌స్టాపబుల్ ఎపిసోడ్ ని రెండు భాగాలుగా రిలీజ్ చేస్తామని ప్రకటించి ఫ్యాన్స్ కి మరింత జోష్ ఇచ్చింది ఆహా టీం.
ప్రభాస్ అన్‌స్టాపబుల్ మొదటి ఎపిసోడ్ డిసెంబర్ 30న స్ట్రీమ్ అవుతుందని చెప్పినా డిసెంబర్ 29 రాత్రే రిలీజ్ చేసి అభిమానులకి ముందుగానే న్యూ ఇయర్ సెలబ్రేషన్స్ ని ఇచ్చింది ఆహా. ఎపిసోడ్ రిలీజ్ అయిన కొద్ది నిమిషాలకే ఆహా సర్వర్లు ఎక్కువ ఫ్లోటింగ్ తో క్రాష్ అయ్యాయి అంటే ఈ ఎపిసోడ్ కోసం ఎంతమంది ఎదురు చూస్తున్నారో అర్ధం చేసుకోవచ్చు.
ఇక ఎపిసోడ్ లో ప్రభాస్ కి గ్రాండ్ ఎంట్రీ ఇచ్చాడు బాలయ్య. ప్రభాస్ నటుడిగా మారి 20 సంవత్సరాలు అవుతుండటంతో అభిమానులతో స్పెషల్ షూట్ చేసి ప్రోమో కూడా వేశారు. ప్రభాస్ సినిమాలు, పెళ్లి.. ఇలా అనేక టాపిక్స్ ప్రస్తావించాడు బాలయ్య. అలాగే పలు ప్రశ్నలు కూడా సంధించాడు. ప్రభాస్ ఇప్పటివరకు అనేక డైరెక్టర్స్ తో పని చేశావు, ఈ డైరెక్టర్ తో పని చేయాలని ఎవరితోనైనా అనుకుంటున్నావా అని బాలకృష్ణ అడిగాడు.
Prabhas : పెదనాన్న గారి దగ్గర నుంచి అదే నేర్చుకున్నా..
మణిరత్నం గారితో కలిసి చేయాలని ఉంది, అది అవుతుందో లేదో తెలీదు కానీ మణిరత్నం గారంటే ఇష్టం. అలాగే బాపు గారంటే ఇష్టం అని అన్నాడు ప్రభాస్. ప్రస్తుతం బాపు గారు లేరు, మరి మణిరత్నంతో భవిష్యత్తులో ప్రభాస్ సినిమా ఏమన్నా ప్లాన్ చేస్తాడేమో చూడాలి. అలాగే బాలకృష్ణ బాపు గారిని గుర్తు చేసుకుంటూ ఆయన దర్శకత్వంలో చేసిన శ్రీరామరాజ్యం, ఎన్టీఆర్ గారు చేసిన సినిమాలని ప్రస్తావించారు.
