NTRNeel: మడగాస్కర్ నుంచి 500 మంది ఫైటర్స్.. కనీవినీ ఊహించని లెవల్లో యాక్షన్ సీన్స్.. వైరల్ అవుతున్న షూట్ పిక్స్

Prashanth Neel brought 500 people from Madagascar for ntr Dragon movie action sequence

• భారీ లెవల్లో ఎన్టీఆర్ డ్రాగన్ యాక్షన్ సీన్స్
• మడగాస్కర్ నుంచి 500 మంది ఫైటర్స్
• ఇండియన్ సినీ చరిత్రలోనే ఫస్ట్ టైం

NTRNeel: గ్లోబల్ స్టార్ జూనియర్ ఎన్టీఆర్, సెన్సేషనల్ డైరెక్టర్ ప్రశాంత్ నీల్ కాంబినేషన్‌లో వస్తున్న డ్రాగన్ చిత్రంపై ప్రపంచవ్యాప్తంగా భారీ అంచనాలు ఉన్నాయి. ‘ఆర్ఆర్ఆర్’ తర్వాత ఎన్టీఆర్, ‘కేజీఎఫ్’ సిరీస్‌తో ప్రశాంత్ నీల్ సృష్టించిన సంచలనం ఈ ప్రాజెక్టును ఇండియన్ సినిమాలోనే మోస్ట్ అవైటెడ్ మూవీగా మార్చాయి. హై-వోల్టేజ్ యాక్షన్ డ్రామాగా తెరకెక్కుతున్న ఈ సినిమా బాక్సాఫీస్ వద్ద సరికొత్త రికార్డులను సృష్టించేందుకు సిద్ధమవుతోంది.

Sravanthi Chokkarapu: స్రవంతి ‘శారీ’ సెన్సేషన్.. క్రేజీ అందాలతో మతిపోగొడుతున్న యాంకర్

ప్రస్తుతం ఈ సినిమాకు సంబంధించి ఒక భారీ యాక్షన్ సీక్వెన్స్‌ను అత్యంత ప్రతిష్టాత్మకంగా షూట్ చేస్తున్నారు. దీని కోసం ఏకంగా మడగాస్కర్ నుంచి 500 మందికి పైగా ఫైటర్లను, సభ్యులను ప్రత్యేకంగా తీసుకురావడం విశేషం. ఒక భారీ సెట్‌లో జరుగుతున్న ఈ చిత్రీకరణలో నెక్స్ట్ లెవల్ యాక్షన్ సీన్స్ తెరకెక్కిస్తున్నారు. ఈ ఫైట్ సీక్వెన్స్‌లో ఎన్టీఆర్ లుక్ చూస్తే అభిమానులకు పూనకాలు రావడం ఖాయమని, ఆయన మాస్, ఇంటెన్స్ పర్ఫార్మెన్స్ సినిమాకే హైలైట్‌గా నిలుస్తుందని చిత్ర యూనిట్ చెబుతున్నాయి.

భారతీయ సినీ చరిత్రలో ఇంతకు ముందెన్నడూ చూడని విధంగా, ఇకపై రాబోని విధంగా ఈ ఫైట్ సీక్వెన్స్‌ను ప్రశాంత్ నీల్ డిజైన్ చేశారట. దీని స్కేల్, ఇంటెన్సిటీ, ఎగ్జిక్యూషన్ అన్నీ అంతర్జాతీయ ప్రమాణాలతో ఉండబోతున్నాయని టాక్. సినిమా విడుదలైన తర్వాత “ఇలాంటి ఫైట్ ఇప్పటివరకు రాలేదు.. ఇక మళ్ళీ రావడం కష్టం” అని ప్రతి ఒక్కరూ అనుకునేలా ఈ సీన్ ఉండబోతోందని సమాచారం. ఈ ఒక్క యాక్షన్ ఎపిసోడ్ కోసమే మేకర్స్ ఏకంగా రూ.100 కోట్ల వరకు ఖర్చు చేస్తున్నారట. తారక్, నీల్(NTRNeel) కలిసి సృష్టిస్తున్న ఈ విధ్వంసం వెండితెరపై ఒక విజువల్ ఫీస్ట్‌లా ఉండబోతోంది. భారీ అంచనాలు నెలకొన్న ఈ సినిమా 2027 జూన్ 11న ప్రేక్షకుల ముందుకు రానుంది.