Priyanka Chopra shocking comments about leaving Bollywood industry.
Priyanka Chopra; స్టార్ బ్యూటీ ప్రియాంక చోప్రా గురించి ప్రత్యేకమైన పరిచయం అవసరం లేదు. ఇండియన్ సినిమాల గురించి అవగాహన ఉన్న ప్రతీఒక్కరికీ ఈ అమ్మడు గురించి పరిచయం అవసరం లేదు. తమిళ ఇండస్ట్రీ నుంచి హీరోయిన్ గా కెరీర్ స్టార్ట్ చేసిన ఈ బ్యూటీ ఆ తరువాత బాలీవుడ్ ఇప్పుడు హాలీవుడ్ రేంజ్ కి ఎదిగింగి. ప్రస్తుతం అక్కడే సెటిల్ అయిన ప్రియాంక అక్కడ వరుస సినిమాలు చేస్తూ ఫుల్ బిజీగా ఉంది.
అయితే, ఇటీవల ఓ ఇంటర్వ్యూలో పాల్గొన్న ప్రియాంక(Priyanka Chopra) తాను బాలీవుడ్ ఇండస్ట్రీని వదిలేయడానికి గల కారణాలను వివరించింది. ఈ సందర్బంగా ఆమె మాట్లాడుతూ..’నేను కావాలని బాలీవుడ్ ని వదిలేయలేదు. అక్కడ వరుసగా సినిమాలు చేస్తున్నా కానీ, ఎందుకో ఒక పరిమితి దగ్గర ఆగిపోయాను అని అనిపించింది. నా మార్కెట్ ని విస్తరించుకునే అవకాశం దొరకడం లేదు అని ఫీలయ్యాను. అందుకే, హాలీవుడ్ లో సినిమాలు చేయాలనీ ఫిక్స్ అయ్యాను.
అదే సమయంలో అవకాశాలు కూడా తగ్గిపోయాయి. అప్పుడు కాస్త ఒత్తిడికి గురయ్యాను. ఫైనల్ గా హాలీవుడ్ లో సెటిల్ అవ్వాలని డిసైడ్ అయ్యాను. ఇక్కడికి పూర్తిగా షిఫ్ట్ అయ్యాను. కానీ, నాకు ఎప్పటికీ ఇండియన్ సినిమాల్లో నటించడమంటేనే ఇష్టం. అందుకే, ఇప్పుడు ‘వారణాసి’ సినిమాలో నటిస్తున్నాను’ అంటూ చెప్పుకొచ్చింది ప్రియాంక. దీంతో ఆమె చేసిన కామెంట్స్ ఇప్పుడు సోషల్ మీడియాలో వైరల్ అవుతున్నాయి.
