Saailu Kampati: రాజు వెడ్స్ రాంబాయి దర్శకుడు కొత్త సినిమా.. హీరోగా కీరవాణి కొడుకు

Raju Weds Rambai director saailu kampati new film with sri simha

• సాయిలు కంపాటి కొత్త సినిమా.
• హీరోగా శ్రీసింహా ఎంపికయ్యారు.
• త్వరలో అధికారిక ప్రకటన వస్తుంది.

Saailu Kampati: ‘రాజు వెడ్స్ రాంబాయి’ చిత్రంతో తెలుగు చిత్ర పరిశ్రమలో తనకంటూ ఒక ప్రత్యేక గుర్తింపును సంపాదించుకున్నారు దర్శకుడు సాయిలు కంపాటి. ఎమోషనల్ లవ్ కంటెంట్ తో వచ్చిన ఈ సినిమా బాక్సాఫీస్ దగ్గర సెన్సేషన్ క్రియేట్ చేసింది. ఈ సినిమాతో తన మేకింగ్ స్టైల్‌ను నిరూపించుకున్న సాయిలు, ఇప్పుడు తన తదుపరి భారీ ప్రాజెక్టుకు సిద్ధమవుతున్నారు. ప్రముఖ నిర్మాణ సంస్థ ఆసియన్ గ్రూప్స్ ఈ సినిమాను నిర్మించేందుకు ముందుకు రావడం విశేషం. ఈ క్రేజీ కాంబినేషన్ టాలీవుడ్‌లో మంచి ఆసక్తిని రేకెత్తిస్తోంది.

Fauzi: ప్రభాస్ ‘ఫౌజీ’ నుంచి క్రేజీ అప్‌డేట్.. ఫస్ట్ సాంగ్ వచ్చేస్తోంది!

మొదట ఈ చిత్రం కోసం ‘ప్రేమలు’ సినిమాతో సూపర్ హిట్ అందుకున్న మలయాళ స్టార్ నెస్లన్ కె. గఫూర్‌ను హీరోగా అనుకున్నారు. నెస్లన్ క్రేజ్‌ను దృష్టిలో ఉంచుకుని మేకర్స్ ఆయనతో చర్చలు జరిపారు. అయితే కొన్ని అనివార్య కారణాల వల్ల ఇప్పుడు ఈ ప్రాజెక్టులోకి యంగ్ హీరో శ్రీసింహా కోడూరి వచ్చారు. ప్రముఖ సంగీత దర్శకుడుకీరవాణి కుమారుడిగా పరిచయమై, విభిన్నమైన కథలతో తనదైన ముద్ర వేస్తున్న శ్రీసింహాకు ఇది ఒక కీలకమైన ప్రాజెక్ట్ కానుంది.

సాయిలు కంపాటి(Saailu Kampati) దర్శకత్వంలో శ్రీసింహా నటించబోయే ఈ సినిమా పూర్తిస్థాయి ఎంటర్టైనర్‌గా ఉండబోతున్నట్లు సమాచారం. ఆసియన్ గ్రూప్స్ వంటి పెద్ద బ్యానర్ తోడవడంతో ఈ సినిమాపై అంచనాలు పెరుగుతున్నాయి. ప్రస్తుతం ప్రీ-ప్రొడక్షన్ పనులు జరుపుకుంటున్న ఈ చిత్రం గురించి మరిన్ని వివరాలతో కూడిన అధికారిక ప్రకటన త్వరలోనే వెలువడనుంది. శ్రీసింహా కెరీర్‌లో ఈ భారీ ప్రాజెక్ట్ ఒక మైలురాయిగా నిలుస్తుందని ఇండస్ట్రీ వర్గాలు భావిస్తున్నాయి.