Roja
Roja : ఒకప్పటి స్టార్ హీరోయిన్ రోజా కొన్నాళ్ళు క్యారెక్టర్ ఆర్టిస్ట్ గా కూడా సినిమాలు చేసింది కానీ రాజకీయాల్లోకి వచ్చాక సినిమాలు మానేసింది. సినిమాలు మానేసినా జబర్దస్త్ టీవీ షోతో అందరికి అందుబాటులో ఉండేది రోజా. గత ప్రభుత్వంలో మంత్రి అయ్యాక రోజా జబర్దస్త్ కూడా వదిలేసింది. ఏపీలో ప్రభుత్వం మారడంతో రోజా మళ్ళీ టీవీలోకి ఎంట్రీ ఇచ్చింది.
ఆల్రెడీ తెలుగులో పలు టీవీ షోలలో గెస్ట్ గా హాజరవుతుంది రోజా. ఇప్పుడు సినిమాలు కూడా మొదలుపెడుతుంది. తెలుగులో చివరగా 2013 లో, తమిళ్ లో చివరగా 2015 లో రోజా సినిమాలు చేసింది. ఇప్పుడు రీ ఎంట్రీ తమిళ్ సినిమాలతో ఇవ్వబోతుంది.
Also Read : Jason Sanjay : విజయ్ కి సపోర్ట్ ఇవ్వని కొడుకు.. సంజయ్ పై ఫ్యాన్స్ విమర్శలు..
తాజాగా రోజా రీ ఎంట్రీ ఇస్తూ నటించిన తమిళ సినిమా అంబే డయానా టీజర్ రిలీజ్ చేసారు. పారి ఎలవజగన్, రమ్య రంగనాథన్ జంటగా నటిస్తున్న అంబే డయానా సినిమాలో రోజా హీరో తల్లి పాత్రలో నటిస్తుంది. ఈ సినిమా టీజర్ లో రోజా సీన్స్ కూడా ఉన్నాయి. ఈ టీజర్ చూస్తుంటేనే రోజా మరోసారి తల్లి పాత్రలో అద్భుతంగా నటించిందని తెలుస్తుంది.
రోజా నటించిన ఈ అంబే డయానా సినిమా సమ్మర్ లో రిలీజ్ కానుంది. దీంతో రోజా ఫ్యాన్స్ ఈ సినిమా కోసం ఎదురుచూస్తున్నారు. దీంతో పాటే తమిళ్ లో లెనిన్ పాండ్యన్ అనే సినిమాలో ముసలి పాత్ర చేస్తుంది రోజా. మరి రీ ఎంట్రీలో తెలుగు సినిమాల్లో ఎప్పుడు కనిపిస్తుందో చూడాలి.
రోజా నటించిన తమిళ సినిమా అంబే డయానా టీజర్ మీరు కూడా చూసేయండి..
