Santosh Shoban: సంతోష్ శోభన్ ‘పరలోక యాత్ర’.. టైటిల్ తోనే ఆసక్తిని పెంచేశాడుగా

santosh shoban next movie sattibabu paraloka yatra

• కపుల్ ఫ్రెండ్లీ హీరో కొత్త సినిమా ఫిక్స్
• స్వాతిముత్యం ధర్శకుడితో ‘సత్తిబాబు పరలోక యాత్ర’
• జూన్ నుంచి రెగ్యులర్ షూటింగ్

Santosh Shoban: టాలీవుడ్ ఇండస్ట్రీలో వైవిధ్యమైన కథలను ఎంచుకుంటూ తనకంటూ ఒక ప్రత్యేక గుర్తింపు తెచ్చుకున్న యంగ్ హీరో సంతోష్ శోభన్. వర్షం సినిమా దర్శకుడు శోభన్ వారసుడిగా ఎంట్రీ ఇచ్చినప్పటికీ, ఏక్ మినీ కథ, మంచి రోజులు వచ్చాయి వంటి చిత్రాలతో తనదైన కామెడీ టైమింగ్‌తో ప్రేక్షకులను అలరించారు. ఇటీవల ‘కపుల్ ఫ్రెండ్లీ’ సినిమాతో మరో హిట్ ని తన ఖాతాలో వేసుకున్నాడు. ఇప్పుడు మరో ఆసక్తికరమైన సినిమాతో ప్రేక్షకుల ముందుకు వచ్చేందుకు సిద్ధమవుతున్నారు.

Bellamkonda Srinivas- Kavya reddy: ఘనంగా బెల్లంకొండ శ్రీనివాస్- కావ్య ఎంగేజ్మెంట్.. ఫోటోలు వైరల్

సంతోష్ శోభన్(Santosh Shoban) హీరోగా నటించబోయే ఈ కొత్త చిత్రానికి ‘సత్తిబాబు పరలోక యాత్ర’ అనే వెరైటీ టైటిల్‌ను ఖరారు చేశారు. బెల్లంకొండ గణేష్ తో ‘స్వాతిముత్యం’ సినిమా చేసిన లక్ష్మణ్ కె. కృష్ణ ఈ చిత్రానికి దర్శకత్వం వహించనున్నారు. టైటిల్‌ను బట్టే ఇది ఒక వైవిధ్యమైన ఫాంటసీ కామెడీ డ్రామా అని అర్థమవుతోంది. తెలుగుతో పాటు తమిళ భాషలో కూడా ఈ సినిమాను తెరకెక్కించనుండటం విశేషం. ద్విభాషా చిత్రంగా రూపొందడం వల్ల ఈ సినిమా సంతోష్ శోభన్ కెరీర్‌కు కోలీవుడ్‌లో కూడా మంచి ఎంట్రీ కానుంది.

యూవీ క్రియేషన్స్ సమర్పణలో ఏఆర్ ఫిలిమ్స్ ఈ ప్రాజెక్టును నిర్మిస్తోంది. పూర్తిస్థాయి వినోదభరిత చిత్రంగా రూపొందనున్న ఈ సినిమా రెగ్యులర్ షూటింగ్‌ను జూన్ మొదటి వారంలో ప్రారంభించేందుకు మేకర్స్ ప్లాన్ చేస్తున్నారు. ఒక వినూత్నమైన కాన్సెప్ట్‌తో సాగే ఈ కామెడీ ఎంటర్‌టైనర్‌లో నటించబోయే ఇతర నటీనటులు, సాంకేతిక నిపుణుల వివరాలను త్వరలోనే అధికారికంగా వెల్లడించనున్నారు. వరుస విజయాలతో జోరు మీదున్న సంతోష్ శోభన్, ఈ పరలోక యాత్రతో బాక్సాఫీస్ వద్ద ఎలాంటి మ్యాజిక్ క్రియేట్ చేస్తాడు అనేది చూడాలి.