Slum Dog Husband
Slum Dog Husband : ‘పిట్టకథ’ చిత్రంతో మంచి విజయాన్ని అందుకున్నాడు ప్రముఖ నటుడు బ్రహ్మాజీ కుమారుడు సంజయ్ రావ్(Sanjay Rrao). దాదాపు మూడేళ్ల విరామం తరువాత రెండో సినిమా ‘స్లమ్ డాగ్ హస్బెండ్’ తో ప్రేక్షకుల ముందుకు వస్తున్నాడు. ఏఆర్ శ్రీధర్ దర్శకత్వంలో తెరకెక్కుతున్న ఈ సినిమాలో ప్రణవి మానుకొండ హీరోయిన్. మైక్ మూవీస్ బ్యానర్పై అప్పిరెడ్డి, వెంకట్ అన్నపరెడ్డి ఈ చిత్రాన్ని నిర్మిస్తున్నారు. భీమ్స్ సిసిరోలియో సంగీతాన్ని అందిస్తున్నాడు. తాజాగా ఈ చిత్ర ట్రైలర్ను హీరో కళ్యాణ్ రామ్ చేతుల మీదుగా విడుదల చేశారు.
హీరో, హీరోయిన్లు ప్రేమించుకుంటారు. పెళ్లి కోసం తాపత్రయపడే సీన్లతో ట్రైలర్ ప్రారంభమైంది. వారికి పెళ్లి చేయడానికి పెద్దలు సిద్ధం కాగా.. ఓ గండం ఉందని తెలుస్తుంది. ఆ గండం తొలిగిపోవాలని అబ్బాయి మొదటగా కుక్కను పెళ్లి చేసుకుంటాడు. ఆ తరువాత హీరోయిన్ మెడలో తాళి కట్టేసమయానికి ఆపండి అనే సౌండ్ వినిపిస్తుంది. అదెవరో కాదు కుక్క యజమానిది.
Dil Raju Son : దిల్ రాజు రెండో భార్య కొడుకు.. మొదటి సారి బయటకు వచ్చిన ఫొటో.. ఎలా ఉన్నాడో చూశారా?
మొదటి భార్య(కుక్క) బతికి ఉండగా రెండో పెళ్లి ఎలా చేసుకుంటావ్ అని ప్రశ్నించడంతో పాటు కేసు పెడతాడు. ఆ తరువాత కుక్క తరుపున లాయర్ సప్తగిరి, హీరో తరుపున లాయర్ బ్రహ్మాజీ కోర్టులో వాదనలు వినిపిస్తారు. ఈ పరిస్థితుల్లో హీరో ఎలాంటి నిర్ణయం తీసుకున్నాడు తరువాత ఏం జరిగింది తెలియాలంటే జూలై 21 వరకు వెయిట్ చేయాల్సిందే. మొత్తంగా ట్రైలర్ ఆద్యంతం ఆకట్టుకుంది. సినిమా పై అంచనాలను భారీగా పెంచేసింది.
Pop Singer Madonna : ఐసీయూలో అమెరికన్ పాప్ సింగర్.. తీవ్రమైన ఇన్ఫెక్షన్తో ఇంటెన్సివ్ కేర్లో!