Dasara Movie: దసరా టీమ్ పై బొమ్మ బొంబాట్ అంటూ జక్కన్న ప్రశంసల వర్షం

SS Rajamouli Congratulates Dasara Movie Team

Dasara Movie: నాచురల్ స్టార్ నాని, అందాల భామ కీర్తి సురేష్ జంటగా నటించిన ‘దసరా’ మూవీ ఇటీవల రిలీజ్ అయ్యి బాక్సాఫీస్ వద్ద సెన్సేషనల్ రెస్పాన్స్ దక్కించుకుంది. ఈ సినిమాను దర్శకుడు శ్రీకాంత్ ఓదెల పూర్తి రా అండ్ రస్టిక్ మూవీగా తీర్చిదిద్దగా, ఈ సినిమాకు జనం పట్టం కడుతున్నారు. ఇక ఈ సినిమాలో నాని, కీర్తి సురేష్‌లు పూర్తి డీగ్లామర్ పాత్రల్లో నటించగా, వారి పర్ఫార్మెన్స్‌లకు ప్రేక్షకులు ఫిదా అయ్యారు.

Dasara Collections : నాని దూకుడు మాములుగా లేదు.. 4 రోజుల్లో దసరా కలెక్షన్స్?

ఇక ఈ సినిమాకు సాధారణ ప్రేక్షకుల దగ్గర్నుండీ సెలెబ్రిటీల వరకు ప్రశంసలు దక్కుతున్నాయి. ఇలాంటి కథను తాము పూర్తిగా ఎంజాయ్ చేశామంటూ పలువురు సినీ సెలెబ్రిటీలు సైతం ప్రశంసిస్తున్నారు. తాజాగా ఈ జాబితాలో దర్శకధీరుడు రాజమౌళి కూడా దసరా సినిమాపై ఇంట్రెస్టింగ్ కామెంట్స్ చేశాడు. ఇలాంటి సినిమాలు చాలా అరుదుగా వస్తాయని ఆయన అన్నారు. పూర్తి రా అండ్ రగడ్ కథలోనూ ఓ హార్ట్ టచింగ్ లవ్ స్టోరికి దర్శకుడు శ్రీకాంత్ ఓదెల ప్రాధాన్యమిచ్చిన తీరు అమితంగా ఆకట్టుకుందని.. నాని, కీర్తి సురేష్‌ల కెరీర్ బెస్ట్ పర్ఫార్మెన్స్‌లు ఈ సినిమాలో కనిపించాయని ఆయన అన్నారు.

Nani Dasara : అమెరికాలో నాని సరికొత్త రికార్డ్.. మహేష్ తర్వాత నాని ఒక్కడే..

ప్రతి ఆర్టిస్టు తమ పాత్రల్లో జీవించారని.. సినిమాటోగ్రఫీ ఫస్ట్ క్లాస్ గా నిలిచిందని.. బీజీఎం నెక్ట్స్ లెవెల్‌లో ఉందని రాజమౌళి ఈ సందర్భంగా తెలిపారు. ఇక దసరా టీమ్ అందరికీ ఇలాంటి విజయాన్ని అందుకున్నందుకు తన శుభాకాంక్షలు తెలిపాడు ఈ ఆస్కార్ విన్నింగ్ డైరెక్టర్. ప్రస్తుతం దసరా మూవీపై రాజమౌళి చేసిన కామెంట్స్ నెట్టింట వైరల్‌గా మారాయి.