Superstar Mahesh Babu birthday wishes to son Gautam Ghattamaneni
టాలీవుడ్ సూప‌ర్ స్టార్ మ‌హేశ్ బాబు కుమారుడు గౌత‌మ్ పుట్టిన రోజు నేడు. ఈ సంద‌ర్భంగా త‌న కుమారుడికి పుట్టిన రోజు శుభాకాంక్ష‌ల‌ను సోష‌ల్ మీడియా వేదిక‌గా తెలియ‌జేశారు మ‌హేశ్ బాబు. ఈ మేర‌కు ఓ ఆస‌క్తిక‌ర ట్వీట్ చేశారు.
’18వ పుట్టిన రోజు శుభాకాంక్ష‌లు. ఈ స‌మ‌యాన్ని ఆస్వాదించు. అలాగే నువ్వు ఎంతో ఎత్తుకు ఎద‌గాలి. ఎల్ల‌ప్పుడూ నిన్ను ప్రేమిస్తూనే ఉంటాం. నీకు తండ్రిని అయినందుకు చాలా గ‌ర్వంగా ఉంది.’ అంటూ మ‌హేశ్ బాబు ట్వీట్ చేశారు.
Bandla Ganesh : తల్లి తండ్రులు నాకు జన్మనిస్తే.. పవన్ కళ్యాణ్ నాకు బతుకునిచ్చాడు.. బండ్ల గణేష్ కొత్త స్పీచ్ వైరల్..
అలాగే మ‌హేశ్ స‌తీమ‌ణి న‌మ్ర‌త శిరోధ్క‌ర్ సైతం త‌న త‌న‌యుడికి పుట్టిన రోజు శుభాకాంక్ష‌లు తెలియ‌జేశారు. ‘కొత్త ప్రారంభాల‌కు! పుట్టిన రోజు శుభాకాంక్ష‌లు. ఈ రోజు నీ జీవితంలో ఎంతో ముఖ్య‌మైన‌ది. అలాగే త‌ల్లిదండ్రులుగా మేము గ‌ర్వ‌ప‌డే రోజు. నీవు అనుకున్న ల‌క్ష్యాల‌ను చేరుకుంటూ ఎల్ల‌ప్పుడూ సంతోషంగా ఉండూ.’ అని న‌మ‌త్రా రాసుకొచ్చింది.
