Chiranjeevi – Ajith : తమిళ్ స్టార్‌ హీరోతో మన మెగాస్టార్.. అప్పటి జ్ఞాపకాలను గుర్తుచేసుకున్న హీరోలు..

అజిత్ తో దిగిన ఫోటోలను మెగాస్టార్ తన సోషల్ మీడియాలో షేర్ చేసి ఆసక్తికర పోస్ట్ చేశారు.

Chiranjeevi – Ajith : మెగాస్టార్ చిరంజీవి ప్రస్తుతం విశ్వంభర షూటింగ్ లో ఉన్నారు. శరవేగంగా ఈ సినిమా షూట్ జరుగుతుంది. అయితే నిన్న విశ్వంభర షూట్ లోకి తమిళ్ స్టార్ హీరో అజిత్ వచ్చారు. అజిత్ షూట్ కూడా విశ్వంభర పక్క సెట్ లోనే జరుగుతుండటంతో ఈ ఇద్దరు స్టార్స్ కలిశారు. అజిత్ తో దిగిన ఫోటోలను మెగాస్టార్ తన సోషల్ మీడియాలో షేర్ చేసి ఆసక్తికర పోస్ట్ చేశారు.

Also Read : Pushpa 2 Song : పుష్ప 2 నుంచి రెండో సాంగ్ వచ్చేసింది.. అగ్గిరవ్వ మాదిరి ఉంటాడే నా సామి..

చిరంజీవి అజిత్ తో దిగిన ఫోటోలు షేర్ చేసి.. నిన్న సాయంత్రం విశ్వంభర సెట్ లోకి అనుకోకుండా ఓ అతిధి వచ్చారు. పక్క సెట్ లోనే షూటింగ్ జరుపుకుంటున్న అజిత్ నా దగ్గరకు వచ్చి కాసేపు గడిపారు. మేము చాలా విషయాలు మాట్లాడుకున్నాం. అజిత్ తెలుగులో మొదటి సినిమా ప్రేమ పుస్తకం సమయంలో విషయాలు గుర్తుచేసుకున్నాం. ఆ సినిమా ఆడియో లాంచ్ నేనే చేశాను. అజిత్ భార్య షాలిని జగదేక వీరుడు అతిలోక సుందరి సినిమాలో చైల్డ్ ఆర్టిస్ట్ గా పనిచేసింది. ఆ జ్ఞాపకాలు అన్ని గుర్తుచేసుకున్నాము. అజిత్ ఇప్పుడు ఎంత పెద్ద స్టార్ అయినప్పటికీ అదే మంచితనంతో ఉన్నాడు అని తెలిపారు.

 

దీంతో చిరంజీవి చేసిన పోస్ట్, ఫోటోలు వైరల్ గా మారాయి. మెగాస్టార్ ఫ్యాన్స్ తో పాటు, తమిళ్ అజిత్ ఫ్యాన్స్ ఈ ఫోటోలు చూసి సంతోషం వ్యక్తం చేస్తున్నారు.

ట్రెండింగ్ వార్తలు