Tovino Thomas: ‘డ్రాగన్’ కోసం నా సినిమాలు వదులుకోలేను.. షాకింగ్ కామెంట్స్ చేసిన టొవినో థామస్

Tovino Thomas shocking comments on ntr Dragon movie

• ఎన్టీఆర్ సినిమాలో విలన్ గా టొవినో థామస్
• క్లారిటీ ఇచ్చిన మలయాళ నటుడు
• డిజప్పాయింట్ లో ఎన్టీఆర్ ఫ్యాన్స్

Tovino Thomas: మ్యాన్ ఆఫ్ మాసెస్ ఎన్టీఆర్- సెన్సేషనల్ డైరెక్టర్ ప్రశాంత్ నీల్ కాంబినేషన్‌లో తెరకెక్కుతున్న ‘డ్రాగన్’. భారీ బడ్జెట్ తో హాలీవుడ్ రేంజ్ లో తెరకెక్కుతున్న ఈ సినిమాపై అంచనాలు ఒక రేంజ్ లో ఉన్నాయి. ఈ భారీ యాక్షన్ ఎంటర్‌టైనర్‌లో మలయాళ స్టార్ హీరో టొవినో థామస్(Tovino Thomas) విలన్‌గా నటిస్తున్నారంటూ గత కొంతకాలంగా సోషల్ మీడియాలో న్యూస్ వైరల్ అవుతున్న విషయం తెలిసిందే.

Sreemukhi: వైట్ డ్రెస్సులో మెరిసిపోతున్న మెరుపు తీగ.. శ్రీముఖి గ్లామర్ ట్రీట్ మామూలుగా లేదుగా!

అయితే, తాజాగా ఈ రూమర్స్‌కు టొవినో స్వయంగా ఫుల్ స్టాప్ పెట్టారు. ఆయన హీరోగా వస్తున్న లేటెస్ట్ మూవీ ‘పల్లి చట్టంబి’. పాన్ ఇండియా లెవల్లో వస్తున్న ఈ సినిమా తెలుగు ప్రమోషన్స్ కోసం హైదరాబాద్ వచ్చారు టొవినో థామస్. ఈ సందర్బంగా ఆయన మాట్లాడుతూ ఎన్టీఆర్-నీల్ ప్రాజెక్టులో తాను నటించడం లేదని స్పష్టం చేశారు. తెలుగు సినిమాల్లో నటించాలనే కోరిక బలంగా ఉన్నప్పటికీ, డేట్స్ సర్దుబాటు కాకపోవడమే ఇందుకు ప్రధాన కారణమని ఆయన వివరించారు.

మలయాళ చిత్ర పరిశ్రమతో పోలిస్తే టాలీవుడ్‌లో మేకింగ్ స్టైల్, షూటింగ్ షెడ్యూల్స్ భిన్నంగా ఉంటాయని ఆయన అభిప్రాయపడ్డారు. తాను ఒకేసారి రెండు మూడు సినిమాలపై పని చేయడం ఇష్టపడనని, ఒక ప్రాజెక్ట్ పూర్తయ్యాకే మరొకటి చేపడతానని తెలిపారు. ఒకవేళ తెలుగులో పెద్ద సినిమా ఒప్పుకుంటే, దాని ప్రభావం తన మలయాళ చిత్రాలపై పడుతుందని, అందుకే ఈ క్రేజీ ప్రాజెక్టును వదులుకోవాల్సి వచ్చిందని ఆయన క్లారిటీ ఇచ్చారు. దీంతో, ఈ న్యూస్ ఇప్పుడు హాట్ టాపిక్ గా మారింది. గత పదేళ్లుగా హీరోగా తనకంటూ ఒక ప్రత్యేక గుర్తింపు తెచ్చుకున్న టొవినో స్థానంలో, ప్రశాంత్ నీల్ ఇప్పుడు ఏ ఇతర నటుడిని విలన్‌గా ఎంపిక చేస్తారో అన్నది ఆసక్తికరంగా మారింది.