Varun Tej Pan India Movie Matka Making Video Released
Matka Movie : వరుణ్ తేజ్(Varun Tej), మీనాక్షి చౌదరి జంటగా కరుణకుమార్ దర్శకత్వంలో మట్కా సినిమా తెరకెక్కుతున్న సంగతి తెలిసిందే. పీరియాడిక్ యాక్షన్ డ్రామాగా, 1960 బ్యాక్‌డ్రాప్‌తో, గ్యాంబ్లింగ్ తరహా కథాంశంతో ఈ సినిమా ఉండబోతుంది. వైరా ఎంటర్టైన్మెంట్స్, SRT ఎంటర్టైన్మెంట్స్ నిర్మాణంలో పాన్ ఇండియా సినిమాగా మట్కా తెరకెక్కుతుంది. ఈ సినిమాలో నోరా ఫతేహి, నవీన్ చంద్ర ముఖ్య పాత్రలు చేస్తున్నారు.
ఇటీవల కొన్నాళ్ళు షూటింగ్ కి గ్యాప్ ఇచ్చిన మట్కా ఇప్పుడు మళ్ళీ షూటింగ్ మొదలైంది. తాజాగా మట్కా మూవీ మేకింగ్ వీడియోని విడుదల చేసారు. ఈ వీడియోలో మట్కా కోసం వేస్తున్న సెట్స్, పీరియాడిక్ తగ్గట్టు షూటింగ్ సెటప్, వరుణ్ తేజ్ కోసం బోలెడన్ని కళ్లజోడులు, వాచ్ లు, చైన్లు, డ్రెస్ లు ఉండటం చూపించారు. రామోజీ ఫిలిం సిటీలో పీరియాడిక్ వైజాగ్ సెట్స్ వేసి ఈ సినిమా షూట్ చేస్తున్నారు. దీంతో మట్కా కోసం వరుణ్ బాగానే కష్టపడుతుండటంతో పాటు సినిమా కోసం బాగానే ఖర్చుపెడుతున్నట్టు తెలుస్తుంది. మీరు కూడా వరుణ్ తేజ్ మట్కా మేకింగ్ వీడియో చూసేయండి..
