Varun Tej: ‘బరి’ మూవీ సెట్స్ లో ప్రమాదం.. వరుణ్ తేజ్ కి గాయాలు

Varun Tej injury while playing football for bhari movie

• ఫుట్‌బాల్ ఆడుతుండగా వరుణ్ తేజ్ కు గాయం
• అపోలోలో శస్త్ర చికిత్స
• కోలుకోవడానికి కొన్ని వారాల సమయం

Varun Tej: మెగా ప్రిన్స్ వరుణ్ తేజ్ హీరో గా ‘బరి’ అనే సినిమా ఇటీవల మొదలైన విషయం తెలిసిందే. కమిటీ కుర్రోళ్ళు మూవీ ఫేమ్ యదు వంశీ తెరకెక్కిస్తున్న ఈ సినిమా 2027 సంక్రాంతికి రానుంది. స్పోర్ట్స్ బ్యాక్డ్రాప్ లో రానున్న ఈ సినిమా రెగ్యులర్ షూటింగ్ త్వరలోనే మొదలుకానుంది. అయితే, ఈ సినిమా కోసం సిద్ధమవుతున్న తరుణంలో అనూహ్యమైన ప్రమాదానికి గురయ్యారు వరుణ్ తేజ్(Varun Tej).

*రామ్ చరణ్ సార్ మరో అవకాశం.. బుచ్చిబాబు క్రేజీ పోస్ట్ వైరల్

హై-వోల్టేజ్ యాక్షన్ డ్రామాగా రూపొందుతున్న ఈ సినిమా కోసం ఆయన ప్రత్యేకంగా శిక్షణ తీసుకుంటున్నారు. ఈ క్రమంలో మంగళవారం ఫుట్ బాల్ ఆడుతుండగా వరుణ్ కాలికి తీవ్ర గాయం కావడంతో చిత్ర యూనిట్ వెంటనే ఆయన్ని అపోలో ఆసుపత్రికి తరలించింది. వైద్యుల సూచన మేరకు వరుణ్ తేజ్‌కు చిన్నపాటి శస్త్రచికిత్స నిర్వహించగా, అది విజయవంతంగా పూర్తయింది.

ప్రస్తుతం ఆయన ఆసుపత్రిలో కోలుకుంటున్నారని, క్షేమంగా ఉన్నారని వైద్య బృందం ప్రకటించింది. అయితే గాయం తీవ్రత దృష్ట్యా ఆయనకు కొన్ని వారాల పాటు పూర్తి విశ్రాంతి అవసరమని డాక్టర్లు సూచించారు. దీనివల్ల ‘బరి’ షూటింగ్ షెడ్యూల్‌లో మార్పులు జరిగాయి, ఆయన పూర్తిగా కోలుకున్నాకే సెట్స్‌కు రానున్నారు. వరుణ్ తేజ్ సర్జరీ వార్త తెలియడంతో సోషల్ మీడియాలో మెగా అభిమానులు ఆందోళన వ్యక్తం చేస్తున్నారు. తమ అభిమాన నటుడు త్వరగా కోలుకోవాలని కోరుకుంటూ ‘గెట్ వెల్ సూన్’ అంటూ పోస్టులు పెడుతున్నారు.