Son Of : వినోద్ కుమార్ ‘సన్ ఆఫ్’.. రిలీజ్ ఎప్పుడంటే..

Son Of

Son Of : సాయి సింహాద్రి సైన్మా బ్యానర్ మీద సాయి సింహాద్రి హీరోగా, నిర్మాతగా తెరకెక్కిస్తున్న సినిమా ‘సన్ ఆఫ్’. బత్తుల సతీష్ దర్శకత్వంలో సీనియర్ నటుడు వినోద్ కుమార్ కీలక పాత్రలో, మీరా రాజ్ హీరోయిన్ గా ఈ సినిమా తెరకెక్కుతుంది. తాజాగా ఈ సినిమా ప్రెస్ మీట్ నిర్వహించి రిలీజ్ డేట్ ప్రకటించారు.(Son Of)

కొన్నాళ్ల క్రితం టీజర్ రిలీజ్ చేయగా సన్ ఆఫ్ సినిమా ఫిబ్రవరి 27న రిలీజ్ చేయబోతున్నట్టు మూవీ యూనిట్ తాజాగా ఈ ప్రెస్ మీట్ లో ప్రకటించింది. ఈ ప్రెస్ మీట్ కి రైట‌ర్‌, నిర్మాత కోన వెంకట్, సముద్ర, వి.ఎన్ ఆదిత్య, రామ సత్య నారాయణ రాజు, రఘు కుంచె.. పలువురు గెస్టులుగా హాజరయ్యారు.

Also Read : Chiranjeevi : పవర్ ఫుల్ పోలీస్ పాత్రని రిజెక్ట్ చేసిన మెగాస్టార్.. డైరెక్టర్ సంచలన కామెంట్స్..

రిలీజ్ డేట్ ప్రకటించిన అనంతరం రైట‌ర్‌, నిర్మాత కోన వెంకట్ మాట్లాడుతూ.. సాయి ఈ సినిమా కోసం హీరో అయి నిర్మాత అయ్యాడా? నిర్మాత అయ్యాక హీరోగా మారాడా? తెలీదు కానీ ఈ సినిమాలో మాత్రం మంచి కంటెంట్ ఉంది అని తెలుస్తుంది. ప్రతీ శుక్రవారం పదుల సంఖ్యలో సినిమాలు వస్తున్నాయి. ఇలాంటి కంటెంట్ ఉన్న సినిమాలు హిట్ అయితే ఇంకా చాలా మంది కొత్త వాళ్లు తెలుగు పరిశ్రమలోకి వస్తారు అని అన్నారు.

హీరో, నిర్మాత సాయి సింహాద్రి మాట్లాడుతూ.. ‘సన్ ఆఫ్’ కథ నాకు చాలా నచ్చింది. యాక్టింగ్ లో శిక్షణ కూడా తీసుకున్నాను. భాస్కర భట్ల గారితోనే ఈ కథ కోసం ఎక్కువగా చర్చించాం. శోభా గారు అమ్మోరులా నా చేతిని పట్టుకుని మా సినిమాని ఇంత దూరం తీసుకువచ్చారు. ఈ సినిమా చూస్తే కన్నీరు కార్చకుండా మాత్రం బయటకు వెళ్లరు. సన్ ఆఫ్ సినిమా ఫిబ్రవరి 27న రిలీజ్ కాబోతోంది అని తెలిపారు.

Also Read : Vijay Rashmika : విజయ్ – రష్మిక పెళ్లితో పాటు రిసెప్షన్ డేట్ కూడా ఫిక్స్.. ఎప్పుడు? ఎక్కడ?

డిస్ట్రిబ్యూటర్, నిర్మాత‌ శోభా రాణి మాట్లాడుతూ.. సన్ ఆఫ్ టైటిల్‌లోనే ఎంతో ఎమోషన్ ఉంది. నాకు చూపించిన ట్రైలర్ చూసి ఎమోషనల్ అయ్యాను. ఇది చాలా మంచి సినిమా అవుతుందని అన్నారు.