Toxic: మరోసారి ‘టాక్సిక్’ వాయిదా.. విడుదలపై క్లారిటీ ఇచ్చిన మేకర్స్

Yash Toxic movie postponed once again

Toxic: కన్నడ స్టార్ యశ్ హీరోగా గీతూ మోహన్ దాస్ దర్శకత్వంలో రూపొందుతున్న భారీ బడ్జెట్ చిత్రం ‘టాక్సిక్’. భారీ అంచనాలు నెలకొన్న ఈ సినిమా విడుదలపై గత కొద్దిరోజులుగా వస్తున్న రూమర్స్ పై మేకర్స్ క్లారిటీ ఇచ్చారు. ఇప్పటికే ఒకసారి వాయిదా పడిన ఈ సినిమా మరోసారి వాయిదా పడిందన్న వార్తలను ఖండిస్తూ, పక్కా ప్లానింగ్‌తో జూన్ 4, 2026న ప్రపంచవ్యాప్తంగా విడుదల చేయబోతున్నట్లు అధికారికంగా ప్రకటించింది.

Bhagyashri Borse: చూపు తిప్పుకోనివ్వని సోయగం.. భాగ్యశ్రీ అందాలకు నెటిజన్స్ ఫిదా.. ఫొటోలు

అంతర్జాతీయ మార్కెట్‌ను దృష్టిలో ఉంచుకుని, ముఖ్యంగా మధ్యప్రాచ్య దేశాల్లో నెలకొన్న అనిశ్చిత పరిస్థితుల కారణంగా గతంలో అనుకున్న తేదీని మార్చి, ఇప్పుడు జూన్ రేసులోకి ఈ చిత్రాన్ని తీసుకువస్తున్నారు మేకర్స్. ప్రస్తుతం ఈ సినిమా ప్రమోషన్లు గ్లోబల్ స్థాయిలో మొదలయ్యాయి. అమెరికాలోని లాస్ వెగాస్‌లో జరుగుతున్న ప్రతిష్టాత్మక ‘సినీమాకాన్’ వేడుకలో యశ్ స్వయంగా పాల్గొని సినిమా విశేషాలను పంచుకుంటున్నారు.

భారతీయ సినిమా సత్తాను ప్రపంచ వేదికపై చాటేలా హాలీవుడ్ చిత్రాల సరసన ‘టాక్సిక్(Toxic)’ ప్రత్యేక ఆకర్షణగా నిలుస్తోంది. కేవలం భారతీయ భాషల్లోనే కాకుండా ఇంగ్లీష్‌తో సహా ఇతర అంతర్జాతీయ భాషల్లోనూ ఈ సినిమాను భారీగా విడుదల చేసేందుకు మేకర్స్ గ్లోబల్ డిస్ట్రిబ్యూటర్లతో చర్చిస్తున్నారు. అయితే, టాక్సిక్ వాయిదాపై వస్తున్న రూమర్స్ కి మేకర్స్ చెక్ పెట్టడంతో యష్ ఫ్యాన్స్ ఆనందం వ్యక్తం చేస్తున్నారు.