ఛత్తీస్‌గఢ్‌లోని గౌరెలా-పెంద్ర-మార్వాహి(జిపిఎం) జిల్లాలో కరోనావైరస్ చికిత్స అందించే సాకుతో 7 ఏళ్ల బాలికపై ఇద్దరు మైనర్ బాలురు అత్యాచారం చేశారు. ఈ సంఘటన జూలై 1 న జరిగిందని, ఇద్దరు అబ్బాయిలను అదుపులోకి తీసుకున్నట్లు మార్వాహి స్టేషన్ హౌస్ ఆఫీసర్ సునీల్ కుమార్ వెల్లడించారు.
అడవి నుంచి కలపను సేకరించే అమ్మాయి ఇంటికి తిరిగి వస్తున్నప్పుడు, ఇద్దరు అబ్బాయిలు అక్కడికి చేరుకున్నారు. ఆమెకు కరోనావైరస్ సంక్రమణ ఉందని, చికిత్స అందించే సాకుతో ఆమెను వెంట తీసుకెళ్లారు.
ఇద్దరు బాలురి మాటలను నమ్మిన బాలిక నిందితుడి ఇంటికి వెళ్లగా.. అది ఖాళీగా ఉంది. అక్కడే ఆమెపై అత్యాచారం చేశారు ఇద్దరు బాలురు. అనంతరం ఇంటికి చేరుకున్న బాలిక బంధువులకు అసలు విషయం చెప్పగా.. పోలీస్‌స్టేషన్‌లో కేసు నమోదు చేశారు.
బాలురపై ఐపిసి సెక్షన్లు 363 (కిడ్నాప్), 376 డి (గ్యాంగ్‌రేప్) కింద కేసు నమోదు చేశారని, లైంగిక నేరాల నుంచి పిల్లలను రక్షించే చట్టం(పోక్సో) కింద కూడా కేసులు నమోదు చేసినట్లు ఆయన తెలిపారు.
