Central Government: లక్షలాది మంది కార్మికులకు గుడ్ న్యూస్.. దసరా కానుకగా డీఏ పెంపు.. కేంద్ర ప్రభుత్వం కీలక నిర్ణయం!
పండుగ సీజన్‌‌కు ముందు దేశంలోని లక్షలాది మంది కార్మికులకు కేంద్ర ప్రభుత్వం(Central Government) తీపి కబురు అందించింది.
- V Santhosh Kumar
- Updated on- October 5, 2026 / 04:41 PM IST
Centre revises minimum wage rates for workers by enhancing variable dearness allowance
Central Government: పండుగ సీజన్‌‌కు ముందు దేశంలోని లక్షలాది మంది కార్మికులకు కేంద్ర ప్రభుత్వం తీపి కబురు అందించింది. వ్యవసాయం, నిర్మాణం, నిర్వహణ రంగాల్లో పనిచేస్తున్న అన్-స్కిల్డ్, స్కిల్డ్ కార్మికుల కరవు భత్యం (డీఏ)ను సవరిస్తూ కనీస వేతనాలను భారీగా పెంచింది. ఈ కొత్త వేతనాలు అక్టోబర్ 1, 2026 నుంచి అమలులోకి వచ్చాయి. పెరిగిన జీవన వ్యయానికి అనుగుణంగా, ఇండస్ట్రియల్ వర్కర్స్ కన్స్యూమర్ ప్రైస్ ఇండెక్స్ (CPI-IW) ఆధారంగా ఈ డీఏ పెంపును చేపట్టినట్లు కేంద్ర కార్మిక శాఖ వెల్లడించింది.
వ్యవసాయ, నిర్మాణ రంగాల్లో కొత్త వేతనాల వివరాలు:
ఈ వేతన పెంపును కార్మికుల నైపుణ్యం, వారు పనిచేసే ప్రాంతాల ఆధారంగా విభజించారు. నిర్మాణ రంగంలో ఏరియా A లోని అన్-స్కిల్డ్ కార్మికులకు రోజువారీ వేతనం రూ.840 కాగా, అత్యంత నైపుణ్యం కలిగిన కార్మికులకు రోజుకు రూ.1,111 గా నిర్ణయించారు. అలాగే వ్యవసాయ రంగంలో ఏరియా A లో అన్-స్కిల్డ్ కార్మికులకు కనీస వేతనం రూ.537 కాగా, హైలీ స్కిల్డ్ కార్మికులకు రోజుకు రూ.705 చొప్పున వేతనం లభించనుంది.
ద్రవ్యోల్బణానికి అనుగుణంగా డీఏ సవరణ:
ద్రవ్యోల్బణ భారాన్ని తట్టుకునేందుకు ప్రతి ఏటా ఏప్రిల్, అక్టోబర్ నెలల్లో కేంద్ర ప్రభుత్వం(Central Government) కనీస వేతనాలను సవరిస్తుంది. సీపీఐ-ఐడబ్ల్యూ ఇండెక్స్ 424.80 నుంచి 431.42 పాయింట్లకు పెరగడంతో, ఈ 6.62 పాయింట్ల వృద్ధి ఆధారంగా కొత్త డీఏను ఖరారు చేశారు. పండుగల వేళ పెరిగిన వేతనాలు తమ కుటుంబాలకు ఎంతో ఊరటనిస్తాయని కార్మిక వర్గాలు సంతోషం వ్యక్తం చేస్తున్నాయి.