విజయ్ ప్రభుత్వం కూల్చే కుట్ర.. ఎమ్మెల్యేకు రూ.35 కోట్ల ఆఫర్.. బయటపడిందిలా..

Conspiracy against CM Vijay government MLA offered Rs 35 crore.

• సీఎం విజయ్ ప్రభుత్వంపై కుట్ర.
• ఎమ్మెల్యేకు ముప్పైఐదు కోట్ల ఆఫర్.
• ముగ్గురు నిందితులను అరెస్ట్ చేసిన పోలీసులు.

TVK Party: తమిళనాడు రాజకీయాల్లో తీవ్ర కలకలం రేగుతోంది. ప్రముఖ నటుడు, ప్రస్తుత ముఖ్యమంత్రి సి. జోసెఫ్ విజయ్ నేతృత్వంలోని తమిళగ వెట్రి కజగం (TVK Party) ప్రభుత్వాన్ని అస్థిరపరిచేందుకు విపక్షాలు వ్యూహాలు పన్నుతున్నట్లు సంచలన విషయాలు బయటపడ్డాయి. అసెంబ్లీ స్పీకర్‌కు వ్యతిరేకంగా ప్రవేశపెట్టే తీర్మానంలో సొంత ప్రభుత్వానికి వ్యతిరేకంగా ఓటు వేయాలంటూ టీవీకే ఎమ్మెల్యే ఎన్. ఇళయరాజాను కొనుగోలు చేసేందుకు ప్రయత్నించిన ముగ్గురు వ్యక్తులను చెన్నై పోలీసులు బుధవారం అరెస్ట్ చేశారు.

15 Students Hospitalised: ప్రభుత్వ పాఠశాలలో విషపురుగుల దాడి.. 15 మంది విద్యార్థులకు తీవ్ర అస్వస్థత

లంచం ఆఫర్.. వెనుక మాజీ మంత్రి సెంథిల్ బాలాజీ?

ఎమ్మెల్యే ఇళయరాజా జూన్ 29న చెన్నై పోలీస్ కమిషనర్‌కు ఇచ్చిన ఫిర్యాదుతో ఈ ఆపరేషన్ హార్స్ ట్రేడింగ్ వెలుగుచూసింది. ఒక రాజకీయ వ్యూహకర్తగా చెప్పుకుంటూ తిరునావుక్కరసు అనే వ్యక్తి తను సంప్రదించాడని, స్పీకర్‌కు వ్యతిరేకంగా ఓటు వేస్తే ఏకంగా రూ.35 కోట్లు ఇస్తామని ఆఫర్ చేశాడని ఎమ్మెల్యే పేర్కొన్నారు. ఈ డీల్‌ను తిరస్కరిస్తే తన కుటుంబానికి తీవ్ర నష్టం కలిగిస్తామని బెదిరించినట్లు తెలిపారు. కాగా, ఈ కుట్ర వెనుక డీఎంకే మాజీ మంత్రి వి. సెంథిల్ బాలాజీ, ఆయన సోదరుడు అశోక్ కుమార్ ఉన్నట్లు పోలీసుల విచారణలో తేలింది.

గత 40 రోజులుగా కుట్రలు.. ఆరోపించిన మంత్రి నిర్మల్ కుమార్:

డీఎంకే పార్టీ గత 40 రోజులుగా తమ పార్టీ ఎమ్మెల్యేలను ప్రలోభపెట్టి ప్రభుత్వాన్ని పడగొట్టడానికి ప్రయత్నిస్తోందని తమిళనాడు మంత్రి పి. నిర్మల్ కుమార్ ఆరోపించారు. ఇటీవల జరిగిన 2026 అసెంబ్లీ ఎన్నికల్లో విజయ్ నేతృత్వంలోని టీవీకే పార్టీ 108 స్థానాలు సాధించి, దశాబ్దాల డీఎంకే, ఏఐఏడీఎంకే కూటముల ఆధిపత్యాన్ని ముగించింది. చారిత్రాత్మక విజయంతో అధికారంలోకి వచ్చిన విజయ్ ప్రభుత్వాన్ని వెనుక నుంచి దెబ్బతీయాలని చూస్తోన్న విపక్షాల వైఖరిపై రాష్ట్రవ్యాప్తంగా తీవ్ర రాజకీయ దుమారం రేగుతోంది.