Bharat Biotech : భారత్ బయోటెక్ కీలక ప్రకటన..వ్యాక్సిన్ తీసుకున్నాక ఆ పని చేయొద్దు!

Bharat Biotech

Bharat Biotech : జనవరి 3 నుంచి దేశవ్యాప్తంగా 15-18 ఏళ్ల వయస్సువారికి కోవిడ్ వ్యాక్సిన్ పంపీణీ జరుగుతోన్న విషయం తెలిసిందే. వ్యాక్సిన్​ తీసుకునేందుకు అన్ని చోట్లా ఉత్సాహంగా ముందుకొస్తున్నారు. అయితే ఈ సమయంలో కోవాగ్జిన్ వ్యాక్సిన్ తయారీ సంస్థ భారత్ బయోటెక్ కీలక ప్రకటన చేసింది.

వ్యాక్సిన్ తీసుకున్న తర్వాత పారాసెటమాల్​ లేదా పెయిన్​ కిల్లర్స్​ వాడాల్సిన పనిలేదని,తాము అలా సూచించలేదని భారత్ బయోటెక్ స్పష్టం చేసింది. ఈ మేరకు బుధవారం ట్విట్టర్​లో ఓ ప్రకటన చేసింది.

భారత్ బయోటెక్ తన ప్రకటనలో….కొవాగ్జిన్​ వ్యాక్సిన్​ పొందిన పిల్లలకు ఆయా టీకా కేంద్రాల్లో పారాసెటమాల్​ 500 ఎంజీ. టాబ్లెట్లు 3 చొప్పున ఇస్తున్నట్లు మాకు తెలిసింది. కొవాగ్జిన్​ తీసుకున్నవారు పారాసెటమాల్​ కానీ, పెయిన్​ కిల్లర్స్​ కానీ వాడాల్సిన పనిలేదు. 30 వేలమందిపై మేం క్లినికల్​ ట్రయల్స్​ నిర్వహించాం. 10 నుంచి 20 శాతం మందికే సైడ్​ ఎఫెక్ట్స్​ వచ్చాయి. అవి కూడా చిన్నవే. ఒకటి రెండు రోజుల్లో తగ్గిపోతుంది. ఎలాంటి మందులు వాడొద్దు. డాక్టర్ ని సంప్రదించాకే.. మెడికేషన్​ పాటించండి. వేరే ఇతర వ్యాక్సిన్లు తీసుకున్నవారికి పారాసెటమాల్​ తీసుకోవాలని సూచించారు. కొవాగ్జిన్​కు అవసరం లేదు”అని తెలిపింది.

ALSO READ Tirupati Murder Case : ఏపీ టూరిజం ఉద్యోగి హత్య కేసు.. ‘దృశ్యం’ సినిమా తరహాలో క్రైమ్