ISRO Launch Aditya-L1 Mission
ISRO Aditya-L1 Mission : భారత అంతరిక్ష పరిశోధన సంస్థ(ఇస్రో) జాబిల్లి దక్షిణ దృవంపై చంద్రయాన్ 3ని విజయంతంగా దించి అంతరిక్ష రంగంలో సరికొత్త చరిత్రను లిఖించింది. అదే ఉత్సహంతో సూర్యుడి రహస్యాలు కనుగొనేందుకు సిద్ధమైంది. సెప్టెంబర్ 2వ తేదీన ఆదిత్య – ఎల్1 ప్రయోగం చేపట్టనుంది. ఈ విషయాన్ని ఇస్రో అధికారి ఒకరు వెల్లడించారు. సెప్టెంబర్ 2న ఈ ప్రయోగాన్ని చేపట్టే అవకాశాలు ఉన్నాయని ఇస్రో అధికారులు అంటున్నారు.
ఇప్పటికే ఈ ఉపగ్రహాన్ని సతీష్ ధావన్ స్పేస్ సెంటర్ కు తీసుకొచ్చారు. పీఎస్ఎల్వీ సీ 57 రాకెట్
ఆదిత్య – ఎల్ 1ను నింగిలోకి తీసుకెళ్లనుంది. కరోనాగ్రఫీ పరికరం సహాయంతో సౌర వాతావరణంపై పరిశోధనం చేయనున్నారు. కరోనాగ్రఫీ పరికరం సహాయంతో సౌర వాతావరణాన్ని లోతుగా పరిశోధించడమే ఈ ప్రాజెక్టు ఉద్దేశం. యూరోపియన్ స్పేస్ ఏజెన్సీ, ఆస్ట్రేలియా, ఇతర దేశాల అంతరిక్ష సంస్థల సాయంతో ఇస్రో సౌర అధ్యయన ప్రక్రియను చేపట్టనుంది.
ఆదిత్య – ఎల్ 1 సూర్యున్ని అధ్యయనం చేసేందుకు చేపడుతున్న తొలి మిషన్. 1500 కిలోల బరువు ఉన్న శాటిలైట్ ఇది. భూమి నుంచి సూర్యుని దిశగా 1.5 కిలో మీటర్ల దూరంలోని లాగ్రాంజ్ పాయింట్ 1 చుట్టూ ఉన్న కక్ష్యలో దీన్ని ప్రవేశ పెట్టనున్నారు. ఈ కక్ష్యలోకి పంపించడం ద్వారా గ్రహణాలతో సంబంధం లేకుండా సూర్యున్ని నిరంతరం అధ్యయనం చేసేందుకు వీలు కలుగుతుంది. ఆదిత్య – ఎల్1 మొత్తం 7 పేలోడ్లను మోసుకెళ్లనుంది.
ఇందులో ప్రధానమైన విజిబుల్ ఎమిషన్ లైన్ కొరోనా గ్రాఫ్ తోపాటు సోలార్ అల్ట్రావైలెట్ ఇమేజింగ్ టెలిస్కోప్, ఆదిత్య సోలార్ విండ్ పార్టికల్ ఎక్స్ పెరిమెంట్, ప్లాస్మా అనలైజర్ ప్యాకేజ్ ఫర్ ఆదిత్య, సోలార్ లో ఎనర్జీ ఎక్స్ రే స్పెక్టో మీటర్, హైఎనర్జీ ఎల్-1 ఆర్బిటింగ్ ఎక్స్ రే స్పెక్టో మీటర్, మ్యాగ్నెటోమీటర్ పేలోడ్ లను అమర్చనున్నారు.
Chandrayaan-3 : చంద్రయాన్-3 మిషన్‌లో గద్వాల యువకుడు .. పేలోడ్స్‌లో సేవలందించిన కృష్ణ
సూర్య గోళం నుంచి ప్రసరించే అత్యంత శక్తివంతమైన కాంతి ప్రభావాన్ని అధ్యయనం చేసేందుకు అనువుగా ఈ పేలోడ్లను రూపొందించారు. ఈ పేలోడ్లు ఎలక్ట్రో మ్యాగ్నటిక్, మ్యాగ్నెటిక్ ఫీల్డ్ డిటెక్టర్ల సాయంతో సూర్యూడిలోని పొరలైన ఫొటో స్పియర్, క్రోమో స్పియర్, వెలుపల ఉండే వాతావరణంపై అధ్యయనం చేస్తాయి. ఎల్ 1 ప్రదేశానికి ఉన్న సానుకూలత దృశ్యా నాలుగు పరికరాలు నేరుగా సూర్యుడిని అధ్యయనం చేస్తాయి.
మిగతా మూడు సాధనాలు సమీపంలోని సౌర రేణువులు, అయస్కాంత క్షేత్రాల గురించి శోధిస్తాయి. ఆగస్టు23న చంద్రయాన్ 3 ల్యాండర్ జాబిల్లి దక్షిణ దృవంపై అడుగు పెట్టింది. అందులోని రోవర్ చంద్రుడి ఉపరితలంపై పరిశోధనలు సాధిస్తోంది. ఇదే ఉత్సహంతో ఇస్రో ఆదిత్య – ఎల్1 ప్రయోగానికి రెడీ అయింది.
