Protest Dating: ట్రెండ్ అవుతున్న ‘ప్రొటెస్ట్ డేటింగ్’.. కేఫ్‌లు వదిలి జంతర్ మంతర్‌కు.. వినూత్న ఐడియాతో యంగ్ కపుల్స్

Jantar mantar becomes gen z protest dating hotspot in delhi

• జంతర్ మంతర్‌లో ప్రొటెస్ట్ డేటింగ్
• కేఫ్‌లు వదిలి నిరసన ప్రదర్శనలకు
• ట్రెండింగ్‌గా మారిన జెన్ జెడ్

Protest Dating: న్యూఢిల్లీలోని జంతర్ మంతర్ ప్రస్తుతం కేవలం ఆందోళనలకు, నిరసన ప్రదర్శనలకే పరిమితం కాకుండా యువతకు ఒక సరికొత్త కలయిక వేదికగా మారుతోంది. విద్యా సంస్కరణలు, విద్యాశాఖ మంత్రి ధర్మేంద్ర ప్రధాన్ రాజీనామా డిమాండ్‌తో వేలాది మంది ‘జెన్ జెడ్’ విద్యార్థులు, యువత జంతర్ మంతర్ వద్ద తీవ్ర స్థాయిలో ఆందోళనలు చేపడుతున్నారు. అయితే, ఈ సీరియస్ పోరాటం మధ్య సోషల్ మీడియాలో ఒక వినూత్న ఉపకథ వైరల్ అవుతోంది. సాధారణ కేఫ్‌లు, సినిమా థియేటర్లలో కలిసే సాంప్రదాయ డేటింగ్ పద్ధతులకు స్వస్తి చెప్పి, యువత తమ భాగస్వాములతో కలిసి ఈ నిరసనల్లో పాల్గొంటున్నారు. “నాతో నిరసన డేట్‌కి వస్తావా?” అంటూ సోషల్ మీడియాలో యువత చేస్తున్న పోస్టులు విపరీతంగా వైరల్ అవుతూ అందరి దృష్టిని ఆకర్షిస్తున్నాయి.

ఉమ్మడి రాజకీయ విశ్వాసాలు – సరికొత్త రొమాంటిక్ రిలేషన్‌షిప్ గోల్స్:

తూర్పు ఢిల్లీకి చెందిన యశ్ చంద్ర అనే యువకుడు “వైశాలి నుండి ఎవరైనా నాతో నిరసన డేట్‌(Protest Dating)కు వస్తారా?” అని సరదాగా చేసిన రీల్, అనూహ్యంగా వందలాది మెసేజ్‌లతో వైరల్‌గా మారింది. కేవలం వినోదం కోసమే కాకుండా, ఒకే రకమైన రాజకీయ భావజాలం, సామాజిక బాధ్యత కలిగిన వారిని భాగస్వామిగా ఎంచుకోవడానికి ప్రస్తుత తరం ప్రాధాన్యత ఇస్తోంది. “రెండు గంటల కేఫ్ డేట్ కంటే, మనం నమ్మే ఆశయం కోసం కలిసి నిలబడటమే అసలైన రిలేషన్‌షిప్ గోల్” అని ధారా శర్మ, స్వాస్తిక చంద్ర వంటి యువతులు పేర్కొంటున్నారు. భాగస్వాములతో కలిసి పోరాటాల్లో పాల్గొనడం వల్ల వారి మధ్య అవగాహన, బంధం మరింత బలపడుతుందని ఈ తరం భావిస్తోంది.

ఆందోళనల వేదికగా పరిచయాలు – కొత్త స్నేహాలు, బంధాలు:

అన్యాయానికి వ్యతిరేకంగా సాగే ఈ పోరాటం ఒంటరిగా వచ్చిన ఎందరో యువతీయువకులకు భావసారూప్యత ఉన్న కొత్త స్నేహితులను పరిచయం చేస్తోంది. బొద్దింక జనతా పార్టీ చేపట్టిన ఈ నిరసన ప్రదర్శనలు కేవలం నిరసనకే కాక, సమాజంలో మార్పు కోరుకునే సమాన ఆలోచనలు ఉన్నవారు ఒకచోట చేరే వేదికగా ఉపయోగపడుతున్నాయి. ఉమ్మడి లక్ష్యం కోసం నిలబడటం, పోలీసులు ఇచ్చే ముళ్లకంచెలు, కష్టాలను కలిసి ఎదుర్కోవడం అనేది వారి భావోద్వేగ స్థైర్యానికి అగ్నిపరీక్షగా నిలుస్తోంది. రాజకీయ స్పృహ, ఓర్పు, భాగస్వామ్యం అన్నీ కలబోసిన ఈ ‘ప్రొటెస్ట్ డేటింగ్’ జెన్ జెడ్ యువతలో ఒక మరపురాని కొత్త అధ్యాయానికి నాంది పలుకుతోంది.