NTA Action: నీట్ పేపర్ లీకేజీపై కేంద్రం కఠిన చర్యలు.. NTA నుంచి 47 మంది అధికారుల తొలగింపు

Neet paper leak nta 47 officials removed central government action exam reforms

• ఎన్‌టీఏలో సంచలన ప్రక్షాళన చర్యలు
• నలభై ఏడు మందిపై వేటు
• నిందితులపై కఠిన క్రిమినల్ కేసులు

NTA Action: నీట్ పేపర్ లీకేజీ వ్యవహారంతో దేశవ్యాప్తంగా విద్యార్థులు, వారి తల్లిదండ్రుల నుంచి తీవ్ర నిరసనలు, ఆందోళనలు వ్యక్తమవుతున్న నేపథ్యంలో కేంద్ర ప్రభుత్వం అత్యంత కీలకమైన నిర్ణయం తీసుకుంది. జేఈఈ, నీట్ వంటి అనేక జాతీయ స్థాయి పోటీ పరీక్షలను నిర్వహించే నేషనల్ టెస్టింగ్ ఏజెన్సీ(NTA Action) పనితీరుపై తీవ్ర విమర్శలు రావడంతో, వ్యవస్థను సరిదిద్దేందుకు కేంద్రం రంగంలోకి దిగింది. పరీక్షల నిర్వహణలో పారదర్శకతను పునరుద్ధరించడమే లక్ష్యంగా ఎన్‌టీఏలో భారీ స్థాయిలో ప్రక్షాళన చర్యలకు శ్రీకారం చుట్టింది.

DSC Notification: ఏపీ నిరుద్యోగులకు గుడ్ న్యూస్.. మెగా డీఎస్సీకి ముహూర్తం ఖరారు.

47 మంది అధికారులపై వేటు – లీగల్, క్రిమినల్ చర్యలకు సిద్ధం!

పరీక్ష పత్రాల లీకేజీ వ్యవహారంలో ఎన్‌టీఏ పదే పదే వివాదాల్లోకి రావడంతో బాధ్యులైన వారిపై కేంద్రం ఉక్కుపాదం మోపింది. లీకేజీకి కారకులుగా గుర్తించిన 47 మంది అధికారులను సర్వీస్ నుంచి తక్షణమే తొలగిస్తూ అధికారిక ఉత్తర్వులు జారీ చేసింది. కేవలం ఉద్యోగాల నుంచి తొలగించడమే కాకుండా, వీరిపై చట్టపరమైన లీగల్ మరియు క్రిమినల్ కేసులు నమోదు చేసి విచారణ జరుపుతున్నట్లు ప్రభుత్వం స్పష్టం చేసింది. ఈ చర్యను ఎన్‌టీఏ వ్యవస్థను పూర్తిగా సురక్షితంగా మార్చే క్రమంలో మొదటి ప్రధాన అడుగుగా భావిస్తున్నారు.

ఔట్‌సోర్సింగ్ విధానంలో మార్పులు – నిపుణుల కమిటీ సూచనలు!

భవిష్యత్తులో ఎలాంటి పేపర్ లీకులకు ఆస్కారం లేకుండా పరీక్షల నిర్వహణ తీరును సమూలంగా మార్చేందుకు ప్రభుత్వం చర్యలు వేగవంతం చేసింది. ఇందులో భాగంగా నిపుణుల కమిటీ ఇచ్చిన కీలక సూచనల మేరకు ఎన్‌టీఏలో ఉన్న ప్రస్తుతం ఉన్న ఔట్‌సోర్సింగ్ విధానాన్ని పూర్తిగా ప్రక్షాళన చేయాలని నిర్ణయించారు. సాంకేతిక పరిజ్ఞానాన్ని మరింత పెంచి, భద్రతా ప్రమాణాలను కఠినతరం చేయడం ద్వారా జాతీయ స్థాయి పరీక్షలను అత్యంత పారదర్శకంగా, లీకేజీ రహితంగా నిర్వహించేందుకు నూతన ప్రణాళికలను అమలు చేస్తున్నారు.