ఈ ఏడాదిలో చిట్టచివరి సంపూర్ణ సూర్యగ్రహణం డిసెంబరు 26, గురువారం మూల నక్షత్రం, ధనుస్సు రాశిలో కంకణ సూర్యగ్రహణం ఏర్పడబోతోంది. దేశవ్యాప్తంగా కనువిందు చేయనున్న ఈ కేతుగ్రస్థ కంకణాకార గ్రహణం ఈ ఏడాదిలో చిట్టచివరిది, మూడో సూర్యగ్రహణం. గ్రహణం గురువారం ఉదయం 8 గంటలకు ప్రారంభమై 11.10 వరకు కొనసాగుతుంది. మూల నక్షత్రం మకర , కుంభ లగ్నాలలో ధనుస్సు రాశిలో త్రిపాదాధిక కేతుగ్రస్త కంకణాకార సూర్య గ్రహణం ఏర్పడుతుంది.
భారత కాలమానం ప్రకారం స్పర్శకాలం ఉదయం 8 గంటల 9 నిమిషాలకు ప్రారంభం కాగా,
మధ్యకాలం ఉదయం 9 గంటల 31 నిమిషాలు,
మోక్ష కాలం ఉదయం 11.11 నిమిషాలకు పూర్తి అవుతుంది.
మొత్తం పుణ్యకాలం సమయం మూడు గంటల రెండు నిమిషాలు. ఈ గ్రహణం భార‌తదేశం, శ్రీలంక, కొన్ని గ‌ల్ఫ్ దేశాలు, సుమ‌త్రా, మ‌లేషియా, సింగ‌పూర్‌ల‌లో కనువిందు చేయనుంది. ఇలాంటి సంపూర్ణ సూర్యగ్రహణం మ‌రో 16 ఏళ్లు తర్వాత సంభవిస్తుంది. ధనుస్సు రాశిలో ఏర్పడుతుంది కాబట్టి ఈ గ్రహణాన్ని ఆరాశి వారు, అష్టమ స్థానంలో గ్రహణం ఏర్పడుతుంది కాబట్టి వృషభ రాశి వారు, అర్ధాష్టమ స్థానంలో గ్రహణం ఏర్పడుతుంది కాబట్టి కన్య రాశి వారు చూడకపోవడం మంచిదని జ్యోతిషు పండితులు చెబుతున్నారు.
మిగతా రాశుల వారికి ఈ గ్రహణ ప్రభావం పెద్దగా ఉండదని పేర్కొంటున్నారు. సూర్యుడు వ్యక్తిత్వానికి, సాత్విక గుణానికి కారకుడు… అహంకారానికి, తమోగుణానికి రాహువు కారకుడు ఈ రెండింటి కలయిక మనిషి వ్యక్తిత్వంపై ప్రభావం చూపుతుంది కాబట్టి తమ జన్మరాశుల్లోని చెడు స్థానాల్లో గ్రహణం సంభవించినవారు చూడరాదని పూర్వీకులు సూచించారు. ఏది ఏమైనా గ్రహణం పూర్తయిన తర్వాత తలస్నానం చేసి శుచిగా ఇష్ట దైవం ముందు కూర్చుని అన్ని రాశుల వారు ఈ క్రింది శ్లోకాన్ని చదువుకుంటే గ్రహణ దోష ప్రభావం తొలిగిపోతుందని జ్యోతిష్య పండితులు సూచిస్తున్నారు.
నవగ్రహపీడాహరస్తోత్రమ్
గ్రహాణామాదిరాదిత్యో లోకరక్షణకారకః ।
విషమస్థాన సంభూతాం పీడాం హరతు మే రవిః ॥ ౧॥
రోహిణీశః సుధామూర్తిః సుధాగాత్రః సుధాశనః ।
విషమస్థాన సంభూతాం పీడాం హరతు మే విధుః ॥ ౨॥
భూమిపుత్రో మహాతేజా జగతాం భయకృత్ సదా ।
వృష్టికృద్వృష్టిహర్తా చ పీడాం హరతు మే కుజః ॥ ౩॥
ఉత్పాతరూపో జగతాం చన్ద్రపుత్రో మహాద్యుతిః ।
సూర్యప్రియకరో విద్వాన్ పీడాం హరతు మే బుధః ॥ ౪॥
దేవమన్త్రీ విశాలాక్షః సదా లోకహితే రతః ।
అనేకశిష్యసమ్పూర్ణః పీడాం హరతు మే గురుః ॥ ౫॥
దైత్యమన్త్రీ గురుస్తేషాం ప్రాణదశ్చ మహామతిః ।
ప్రభుస్తారాగ్రహాణాం చ పీడాం హరతు మే భృగుః ॥ ౬॥
సూర్యపుత్రో దీర్ఘదేహో విశాలాక్షః శివప్రియః ।
మన్దచారః ప్రసన్నాత్మా పీడాం హరతు మే శనిః ॥ ౭॥
మహాశిరా మహావక్త్రో దీర్ఘదంష్ట్రో మహాబలః ।
అతనుశ్చోర్ధ్వకేశశ్చ పీడాం హరతు మే శిఖీ ॥ ౮॥
అనేకరూపవర్ణైశ్చ శతశోఽథ సహస్రశః ।
ఉత్పాతరూపో జగతాం పీడాం హరతు మే తమః ॥ ౯॥
॥ ఇతి బ్రహ్మాణ్డపురాణోక్తం నవగ్రహపీడాహరస్తోత్రం సమ్పూర్ణమ్ ॥
Also Read : ఈ రాశుల వారిపై గ్రహణ ప్రభావం ఉండదు
