Mohan Bhagwat: ప్రభుత్వాలు మారితే పరిస్థితులు మారవు.. ఆర్ఎస్ఎస్ వందేళ్ల ప్రస్థానం.. మోహన్ భగవత్ సంచలన వ్యాఖ్యలు

Rss chief mohan bhagwat vijayadashami address centenary celebrations nagpur

Mohan Bhagwat: రాష్ట్రీయ స్వయంసేవక్ సంఘ్ (ఆర్ఎస్ఎస్) వందేళ్ల ప్రస్థానంలోకి అడుగుపెడుతున్న చారిత్రాత్మక వేళ నాగ్‌పూర్‌లో శతాబ్ది ఉత్సవాల విజయదశమి వేడుకలు అత్యంత వైభవంగా జరిగాయి. ఈ సందర్భాన్ని పురస్కరించుకుని సంఘ్ చీఫ్ మోహన్ భగవత్(Mohan Bhagwat) సంప్రదాయ ఆయుధ పూజ నిర్వహించిన అనంతరం వ్యవస్థాపకుడు డాక్టర్ కేశవ్ బలిరామ్ హెడ్గేవార్ విగ్రహానికి పుష్పాంజలి ఘటించారు. దేశవ్యాప్తంగా విజయదశమి రోజున పథ సంచలన కార్యక్రమాలు నిర్వహించడం సంఘ్ సంప్రదాయంగా వస్తోందని ఆయన గుర్తుచేశారు. ఈ సందర్భంగా ఆయన మాట్లాడుతూ సమాజంలో భావోద్వేగ ఐక్యత, భారతీయ సంస్కృతి పరిరక్షణ, స్వదేశీ ఉత్పత్తుల వాడకం మరియు యువతలో నైతిక విలువల పెంపొందించడం అత్యంత ఆవశ్యకమని పేర్కొన్నారు.

Gold-Silver Prices Today: పండుగవేళ పసిడి ప్రియులకు షాక్.. స్వల్పంగా పెరిగిన బంగారం ధరలు.. హైదరాబాద్ లో తులం ఎంతంటే?

విదేశీ పరిణామాలు, ఉద్యమాల తీరుపై హెచ్చరిక.. రాజకీయ సాధనాలుగా మారొద్దు:

పశ్చిమ దేశాలైన ఫ్రాన్స్, అల్బేనియా, నేపాల్, బంగ్లాదేశ్‌లలో చోటుచేసుకుంటున్న ఉద్రిక్తతలు, ప్రభుత్వాల మార్పుల ప్రభావంపై భగవత్ స్పందిస్తూ ఆందోళన వ్యక్తం చేశారు. కేవలం ప్రభుత్వాలను మార్చినంత మాత్రాన సమాజంలోని అన్ని సమస్యలు పరిష్కారం కావని, క్రమశిక్షణ, సంస్కృతిని వ్యతిరేకించే ధోరణుల పట్ల అప్రమత్తంగా ఉండాలని ఆయన హితవు పలికారు. ఐక్యత పేరుతో సాగే ఉద్యమాలు ఇతరులపై వ్యతిరేకతను పెంచే రాజకీయ సాధనాలుగా మారితే, దేశాన్ని బలహీనపరిచే శక్తులు వాటిని తమకు అనుకూలంగా మలుచుకుంటాయని హెచ్చరించారు.

యువతలో డ్రగ్స్ వ్యసనం.. తల్లిదండ్రులు, కుటుంబాల పాత్ర కీలకం:

నేటి సమాజంలో యువత మాదకద్రవ్యాల (డ్రగ్స్) బారిన పడుతుండటం పట్ల మోహన్ భగవత్ తీవ్ర ఆందోళన వ్యక్తం చేశారు. చిన్న వయస్సు నుంచే పిల్లలకు డ్రగ్స్ వల్ల కలిగే దుష్పరిణామాలపై అవగాహన కల్పించే బాధ్యతను తల్లిదండ్రులు తీసుకోవాలని ఆయన సూచించారు. సమాజంలో మంచి, చెడుల మధ్య వ్యత్యాసాన్ని గ్రహించే నైతిక పరిణతిని యువత పెంపొందించుకోవాలని కోరారు. ఆకర్షణలకు లోనుకాకుండా ఏది సమాజ శ్రేయస్సుకు దోహదపడుతుందో గ్రహించి నడుచుకోవాల్సిన అవసరం ఉందని నొక్కి చెప్పారు.

ఓటీటీ, డిజిటల్ మీడియాపై నియంత్రణ.. ప్రభుత్వం చర్చలు జరపాలి:

మరోవైపు, ప్రస్తుత డిజిటల్ యుగంలో ఓటీటీ (OTT) వేదికలు, సామాజిక మాధ్యమాలు, ఇతర మీడియా కంటెంట్ వ్యక్తిగత జీవితాలు, కుటుంబ సంబంధాలు, సామాజిక వాతావరణంపై ప్రతికూల ప్రభావం చూపుతున్నాయని భగవత్ అభిప్రాయపడ్డారు. ఈ రకమైన కంటెంట్‌పై సరైన నియంత్రణలు, సాంస్కృతిక క్రమశిక్షణ కల్పించేందుకు ప్రభుత్వం తక్షణమే భాగస్వాములతో చర్చలు జరపాలని పిలుపునిచ్చారు. లౌకిక, సాంస్కృతిక ముఖచిత్రాన్ని కాపాడుకుంటూనే పురోగమించడమే భారతీయ సనాతన ధర్మం యొక్క నిజమైన సందేశమని ఆయన స్పష్టం చేశారు.