Supreme Court: మత మార్పిడి రిజర్వేషన్లపై సుప్రీంకోర్టు సంచలన తీర్పు.. ఇస్లాంలోకి మారితే బీసీ అర్హత రద్దు

Supreme court rules no bc reservation on conversion to islam upholds madras hc verdict

Supreme Court: హిందూ సామాజిక వర్గానికి చెందిన వ్యక్తులు ఇస్లాం మతంలోకి మారితే వారికి వెనుకబడిన తరగతుల (BC) రిజర్వేషన్ వర్తించదని అత్యున్నత న్యాయస్థానం కీలక తీర్పు వెలువరించింది. మద్రాస్ హైకోర్టు గతంలో ఇచ్చిన తీర్పును సమర్థిస్తూ సుప్రీంకోర్టు (Supreme Court)ధర్మాసనం ఈ కీలక నిర్ణయాన్ని వెల్లడించింది. మత మార్పిడిల ఆధారంగా పొందే రిజర్వేషన్లపై సుదీర్ఘంగా సాగిన వాదనల అనంతరం ఈ స్పష్టమైన ఆదేశాలు వెలువడటం ప్రాధాన్యత సంతరించుకుంది.

Essentials Price Hike: పండుగ పూట ధరల మోత.. ఎల్నినో దెబ్బకు భగ్గుమంటున్న మార్కెట్.. జనం విలవిల!

మద్రాస్ హైకోర్టు తీర్పును సమర్థించిన ధర్మాసనం:

హిందూ మతం నుంచి ఇస్లాంలోకి మారిన వ్యక్తిని బీసీ కేటగిరీ కింద పరిగణించి రిజర్వేషన్ ప్రయోజనాలు కల్పించలేమని మద్రాస్ హైకోర్టు గతంలో స్పష్టం చేసింది. ఈ నిర్ణయాన్ని సవాలు చేస్తూ దాఖలైన పిటిషన్‌ను విచారించిన సుప్రీంకోర్టు, మద్రాస్ హైకోర్టు ఇచ్చిన తీర్పు చట్టబద్ధంగా సరైనదేనని సమర్థించింది. ఇస్లాం మత సిద్ధాంతాలు, సామాజిక నిర్మాణం ప్రకారం అందులో కుల వ్యవస్థ ఆధారిత వెనుకబాటుతనానికి తావులేదని న్యాయస్థానం అభిప్రాయపడింది.

రిజర్వేషన్ ఫలాలు పొందేందుకు మత మార్పిడి చెల్లదు:

సామాజికంగా, విద్య పరంగా వెనుకబడిన వర్గాలను ఆదుకునేందుకే రిజర్వేషన్లు రూపొందించబడ్డాయని, మతం మారినంత మాత్రాన పాత సామాజిక వెనుకబాటుతనాన్ని ఆసరాగా చేసుకుని కొత్త మతంలో ప్రయోజనాలు పొందలేరని స్పష్టం చేసింది. ఈ తీర్పుతో మత మార్పిడిల ద్వారా పొందే రిజర్వేషన్ ప్రయోజనాలపై చట్టపరంగా ఒక స్పష్టత వచ్చినట్లయింది.