Delhi Metro : ఢిల్లీ మెట్రోలో యువతుల పోల్ డ్యాన్స్ .. DMRC ఎందుకు పట్టించుకోవట్లేదంటూ నెటిజన్లు ఫైర్

Delhi Metro

Delhi Metro : ఢిల్లీ మెట్రోలో ఇద్దరు యువతులు ‘పోల్ డ్యాన్స్’ చేసిన వీడియో వైరల్ అవుతోంది. ఈ వీడియో చూసిన నెటిజన్లు ఫైర్ అవుతున్నారు. ఇలాంటి వారంతా ప్రయాణికులకు ఇబ్బంది కలిగించడమే కాకుండా మెట్రో సేవల్ని కించపరుస్తున్నారంటూ మండిపడుతున్నారు.

Delhi Metro : ఢిల్లీ మెట్రోలో యువకుడిని తిట్టి, చెంప దెబ్బ కొట్టిన మహిళ వీడియో వైరల్

ఢిల్లీ మెట్రోలో వీడియోలు రికార్డ్ చేయడం నిషేధమని ఢిల్లీ మెట్రో రైల్ కార్పొరేషన్ (DMRC) పదే పదే హెచ్చరికలు జారీ చేసినా కొందరు ప్రయాణికులు వాటిని ఖాతరు చేయట్లేదు. ఇప్పటికీ నిబంధనలు ఉల్లంఘిస్తూ అనేక వీడియోలు వైరల్ అవుతున్నాయి. తాజాగా పర్వీన్ బాబీ, శశి కపూర్ నటించిన ‘సుహాగ్’ సినిమాలోని ‘మెయిన్ తో బేఘర్ హూన్’ పాటకు ఇద్దరు యువతులు కోచ్ లోపల ఉన్న స్తంభాలు పట్టుకుని డ్యాన్స్ చేశారు. @HasnaZarooriHai అనే ట్విట్టర్ యూజర్ ఈ వీడియోను షేర్ చేశారు. ‘ఢిల్లీ మెట్రోలో పోర్న్, ముద్దులు, గొడవల తర్వాత..తాజాగా ‘పోల్ డ్యాన్స్’….అనే క్యాప్షన్‌తో ఈ వీడియోను పోస్ట్ చేశారు. ఈ వీడియో చూసిన నెటిజన్లు ఆగ్రహం వ్యక్తం చేస్తున్నారు.

Delhi Metro : ఢిల్లీ మెట్రోలో హెయిర్ స్ట్రెయిట్ చేసుకున్నయువతి వీడియో వైరల్ .. తిట్టిపోస్తున్న నెటిజన్లు

‘ఢిల్లీ మెట్రోలో అధికారుల పర్యవేక్షణ అవసరం, రీల్ చేసేవారికి ఇది కొత్త లొకేషన్‌లా ఉంది’ అని ఒకరు.. ‘DMRC అధికారులు ఇలాంటి వారిపై ఎప్పుడు చర్యలు తీసుకుంటారు? వీరు ఇతర ప్రయాణీకులకు ఇబ్బంది కలిగించడమే కాకుండా మెట్రో సేవలను కించపరిచారు’ అని మరొకరు వరుసగా కామెంట్లు పెట్టారు. ఈ వీడియో చూసి.. నెటిజన్ల కామెంట్లు చూసి DMRC ఎలా స్పందిస్తుందో వేచి చూడాలి.