Apple iPhone 16 Pro Max : ఆఫర్ అదిరింది భయ్యా.. ఐఫోన్ 16 ప్రో మ్యాక్స్ ధర భారీగా తగ్గిందోచ్.. ఈ క్రేజీ డీల్ మీకోసమే..!

Apple iPhone 16 Pro Max : కొత్త ఆపిల్ ఐఫోన్ కొనాలని చూస్తున్నారా? ఆపిల్ ఐఫోన్ 16 ప్రో మాక్స్‌ భారీ తగ్గింపు ధరతో అందుబాటులో ఉంది. ప్రస్తుతం విజయ్ సేల్స్ ఆపిల్ హై-ఎండ్ ఫ్లాగ్‌షిప్ స్మార్ట్‌ఫోన్‌పై రూ.23వేలకు పైగా భారీ తగ్గింపు అందిస్తోంది. ఈ ఆఫర్ రిటైలర్ అధికారిక వెబ్‌సైట్‌లో లభ్యమవుతుంది.

ఈ ఐఫోన్ డిస్కౌంట్ ఆఫర్ ఎక్కువ రోజులు ఉండదు. ఐఫోన్ 16 ప్రో మ్యాక్స్ అతి తక్కువ ధరకు ఎలా పొందాలంటే?

ఆపిల్ ఐఫోన్ 16 ప్రో మాక్స్ డీల్ వివరాలు : భారత మార్కెట్లో ఆపిల్ ఐఫోన్ 16 ప్రో మాక్స్ ప్రారంభ ధర రూ.1,44,900కు లాంచ్ అయింది. విజయ్ సేల్స్ అధికారిక వెబ్‌సైట్‌లో ఈ హై-ఎండ్ ఫోన్ ప్రస్తుతం రూ.1,29,000కు జాబితా అయింది.

రిటైలర్ ఐఫోన్ 16 ప్రో మాక్స్‌పై రూ.15,900 ఫ్లాట్ డిస్కౌంట్‌ అందిస్తోంది.

మీరు HSBC బ్యాంక్ క్రెడిట్ కార్డ్ ఈఎంఐ లావాదేవీలపై అదనంగా రూ.7,500 తగ్గింపు పొందవచ్చు.

ఐఫోన్ 16 ప్రో మాక్స్ స్పెసిఫికేషన్లు, ఫీచర్లు : ఆపిల్ ఐఫోన్ 16 ప్రో మ్యాక్స్ మోడల్ 6.9-అంగుళాల సూపర్ రెటినా XDR OLED డిస్‌ప్లే కలిగి ఉంది. 2,000 నిట్స్ వరకు గరిష్ట ప్రకాశాన్ని అందిస్తుంది. ఈ ప్రీమియం ఫ్లాగ్‌షిప్ ఫోన్ టైటానియం డిజైన్‌తో వస్తుంది. అప్‌గ్రేడ్ సిరామిక్ షీల్డ్ ప్రొటెక్షన్‌ కలిగి ఉంది.

ఆపిల్ ఐఫోన్ 16 ప్రో మాక్స్ 3nm A18 ప్రో చిప్‌సెట్ ద్వారా పవర్ పొందుతుంది. అలాగే, ఈ ఐఫోన్ జెన్‌మోజీ, ఇమేజ్ ప్లేగ్రౌండ్, సిరితో చాట్‌జీపీటీ సపోర్టుతో సహా అన్ని ఆపిల్ ఇంటెలిజెన్స్ ఫీచర్‌లకు సపోర్టు ఇస్తుంది.

ఫొటోగ్రఫీ విషయానికి వస్తే.. ఆపిల్ ఐఫోన్ 16 ప్రో మ్యాక్స్ ట్రిపుల్-రియర్ కెమెరా సెటప్‌ కలిగి ఉంది. 48MP మెయిన్ కెమెరా, 48MP అల్ట్రావైడ్ లెన్స్, 5x ఆప్టికల్ జూమ్‌, 12MP టెలిఫోటో లెన్స్ ఉన్నాయి. ఫ్రంట్ సైడ్ ఫోన్ సెల్ఫీలు, వీడియో కాల్స్ కోసం 12MP కెమెరా కూడా ఉంది.