Motorola Signature Price : ఆఫర్ అదిరింది బ్రో.. ఈ మోటోరోలా ఫ్లాగ్షిప్ ఫోన్ భారీగా తగ్గిందోచ్.. ఇప్పుడు కొనాలా? వద్దా?
Motorola Signature Price : మీరు మోటోరోలా ఫ్లాగ్షిప్ ఫోన్ కొంటున్నారా? ప్రస్తుతం మోటోరోలా సిగ్నేచర్పై భారీ డిస్కౌంట్ ఆఫర్.. ఇలా కొన్నారంటే మీ బడ్జెట్ ధరలోనే ఇంటికి తెచ్చుకోవచ్చు.
- Sreehari A
- Published on- August 24, 2026 / 09:14 PM IST
Motorola Signature Price : కొత్త ఫ్లాగ్షిప్ ఫోన్ కోసంచూస్తున్నారా? మోటోరోలా లవర్స్ అయితే ఇది మీకోసమే.. ప్రస్తుతం మోటోరోలా సిగ్నేచర్ అతి చౌకైన ధరకే లభిస్తోంది. ఇలా కొన్నారంటే చాలా డబ్బులు ఆదా చేసుకోవచ్చు. ఈ సిగ్నేచర్ మోడల్ ఆక్టా కోర్ క్వాల్కామ్ స్నాప్డ్రాగన్ 8 జెన్ 5 ప్రాసెసర్తో రన్ అవుతుంది.
ఇందులో బ్యాక్ సైడ్ 50MP ప్రైమరీ కెమెరా, 50MP అల్ట్రావైడ్ కెమెరా, 50MP పెరిస్కోప్ టెలిఫోటో కెమెరా ఉన్నాయి. ఈ ఫోన్లో 5,200mAh బ్యాటరీ కూడా అమర్చారు. 90W వైర్డ్ 50W వైర్లెస్ ఫాస్ట్ ఛార్జింగ్కు సపోర్టు ఇస్తుంది. మోటోరోలా సిగ్నేచర్పై డిస్కౌంట్లు, ఆఫర్లకు సంబంధించి ఇప్పుడు వివరంగా తెలుసుకుందాం..
మోటోరోలా సిగ్నేచర్ ధర :
మోటోరోలా సిగ్నేచర్ ఫోన్ 12GB+256GB స్టోరేజ్ వేరియంట్ ధర రూ.59,999గా ఉంది. బ్యాంక్ ఆఫర్లతో ఫ్లిప్కార్ట్ యాక్సిస్ బ్యాంక్ క్రెడిట్ కార్డ్ ద్వారా పేమెంట్ చేస్తే రూ.5,375 తగ్గింపు పొందవచ్చు. ఆ తర్వాత అసలు ధర రూ.54,624 అవుతుంది.
అయితే, ఎక్స్ఛేంజ్ ఆఫర్ అనేది బెనిఫిట్స్, ఫోన్ వర్కింగ్ కండిషన్, మోడల్పై ఆధారపడి ఉంటుంది. అదేవిధంగా, ఎక్స్ఛేంజ్ ఆఫర్లో పాత ఫోన్పై రూ.46,600 వరకు అదనంగా ఆదా చేసుకోవచ్చు.
ఫీచర్లు, స్పెసిఫికేషన్లు :
మోటోరోలా సిగ్నేచర్లో 1264x2780 పిక్సెల్స్ రిజల్యూషన్, 165Hz రిఫ్రెష్ రేట్ 6,200 నిట్స్, టాప్ బ్రైట్నెస్ అందించే 6.8-అంగుళాల సూపర్ హెచ్డీ ఎల్టీపీఓ ఎక్స్ట్రీమ్ అమోల్డ్ డిస్ప్లే ఉంది. ఆక్టా-కోర్ క్వాల్కామ్ స్నాప్డ్రాగన్ 8 జెన్ 5 ప్రాసెసర్తో రన్ అవుతుంది. ఈ ఫోన్ ఆండ్రాయిడ్ 16 ఆధారిత హలో యూఐపై రన్ అవుతుంది.
కెమెరా సెటప్ పరంగా ఈ సిగ్నేచర్లో బ్యాక్ సైడ్ 50MP ప్రైమరీ కెమెరా, 50MP అల్ట్రావైడ్ కెమెరా, 50MP పెరిస్కోప్ టెలిఫోటో కెమెరా ఉన్నాయి. సెల్ఫీలు, వీడియో కాల్స్ కోసం 50MP ఫ్రంట్ కెమెరా కూడా ఉంది.
కొలతలను పరిశీలిస్తే.. మోటోరోలా సిగ్నేచర్ ఫోన్ 162.1 మిమీ పొడవు, 76.4 మిమీ వెడల్పు, 6.99 మిమీ మందం, 186 గ్రాముల బరువు ఉంటుంది. బ్యాటరీ లైఫ్ విషయానికి వస్తే.. ఈ ఫోన్లో 5,200mAh బ్యాటరీ ఉంది. 90W వైర్డ్ 50W వైర్లెస్ ఫాస్ట్ ఛార్జింగ్కు సపోర్ట్ చేస్తుంది.