Bihar: బీహార్లోని కటిహార్(katihar)లో విద్యుత్ వ్యవస్థ అధ్వాన్నంగా ఉందని నిరసన వ్యక్తం చేసిన వారిపై పోలీసులు కాల్పులు (police firing) జరపడంతో ఇద్దరు యువకులు మరణించిన ఘటనపై ఇంధన శాఖ మంత్రి (energy minister) బిజేంద్ర ప్రసాద్ యాదవ్ (Bijendra Prasad Yadav) కఠిన ప్రకటన చేశారు. రౌడీయిజం చేసే వారిపై లాఠీలు, తూటాలు నిత్యం ప్రయోగిస్తారంటూ దారుణంగా స్పందించారు. తాజా ఆయన మీడియాతో మాట్లాడుతూ.. విద్యుత్ సక్రమంగా అందడం లేదని, వర్షాకాలంలో ట్రిప్పింగ్ ఘటనలు జరుగుతూనే ఉన్నాయని సరికాదని, ఎక్కడో చెట్టు పడిపోవడం, ఎక్కడో స్తంభం పడిపోవడం జరుగుతాయని, దాన్ని సరిచేయడానికి సమయం పడుతుందని అన్నారు.
పూర్నియాలో భారత ప్రభుత్వ గ్రిడ్లో కొంత సమస్య ఉందని, దానిని కూడా రెండు రోజుల క్రితం సరిదిద్దామని మంత్రి బిజేంద్ర ప్రసాద్ చెప్పారు. అయితే ఇంతలో కొందరు యువకులు అక్కడ రచ్చ చేయడం మొదలుపెట్టారు. ఈ గొడవ తర్వాతే పోలీసులు చర్యలు తీసుకోవాల్సి వచ్చింది. ఈ మొత్తం వ్యవహారాన్ని శాఖ పరిశీలిస్తోందని చెప్పారు. ఈ విషయమై పోలీసు సూపరింటెండెంట్ నుంచి జిల్లా మేజిస్ట్రేట్ నివేదిక కోరింది. నివేదిక వచ్చిన తర్వాత మాత్రమే తప్పు ఎవరిదని తెలుస్తుందని మంత్రి అన్నారు. అలాగే ప్రజలు దురుసుగా ప్రవర్తిస్తే పోలీసులు లాఠీలతో, కాల్పులతో అదుపు చర్యలు చేపడతారని అన్నారు. నష్టపరిహారానికి సంబంధించి పరిశీలిస్తామని ఆయన చెప్పారు.
అదే సమయంలో భారతీయ జనతా పార్టీ నాయకుల ప్రకటనపై మంత్రి బదులిచ్చారు. బిహార్లో లాఠీలు, కాల్పులు జరిగితే మణిపూర్లో ఏమి జరుగుతుందో, కేంద్ర ప్రభుత్వం ఏమి చేస్తుందో ప్రజలు మాట్లాడుతున్నారని అన్నారు. నిరసనకారుల పట్ల ఎలా వ్యవహరిస్తున్నారన్నది బీజేపీకి కనిపించదని మంత్రి జితేంద్ర విమర్శించారు.
