Dasara Navaratri 2026 : దసరా శరన్నవరాత్రులకు ‘జగన్మాత దివ్య దర్శన్’ టికెట్లు విడుదల.. వాట్సాప్‌లో బుకింగ్ ఇలా!

Dasara Navaratri 2026

• దసరా ప్రత్యేక దర్శనం టికెట్లు విడుదల..
• ‘జగన్మాత దివ్య దర్శన్’ టికెట్ ధర రూ.1,000
• అక్టోబర్ 11, 12, 13 తేదీలకు టికెట్లు.. పూర్తి వివరాలు ఇవే!

Dasara Navaratri 2026 : దసరా శరన్నవరాత్రుల సందర్భంగా అమ్మవారి భక్తులకు దేవస్థానం ప్రత్యేక దర్శన సౌకర్యాన్ని అందుబాటులోకి తీసుకొచ్చింది. ‘జగన్మాత దివ్య దర్శన్’ పేరుతో ప్రత్యేక దర్శనం టికెట్లను దేవస్థానం ఈవో వి.కె. శీనా నాయక్ విడుదల చేశారు. అక్టోబర్ 11, 12, 13 తేదీల్లో దర్శనం కోసం టికెట్లను ‘మన మిత్ర’ వాట్సాప్ సేవ ద్వారా పొందవచ్చు. ఒక్కో టికెట్ ధరను రూ.1,000గా నిర్ణయించారు.

వాట్సాప్‌లో టికెట్లు బుకింగ్ ఎలా? :
భక్తులు 9552300009 వాట్సాప్ నంబర్ ద్వారా ‘మన మిత్ర’ సేవను ఉపయోగించి టికెట్లు రిజిస్టర్ చేసుకోవచ్చు. దర్శనానికి ముందుగానే టికెట్లు బుక్ చేసుకుని, టికెట్‌పై సూచించిన సమయానికి దేవస్థానానికి చేరుకోవాలని ఈవో సూచించారు. మూలా నక్షత్రం రోజు మినహా మిగతా రోజులకు విడతలవారీగా టికెట్లను విడుదల చేయనున్నారు.

Read Also : Apple iPhone 17 Pro Max : వావ్.. అత్యంత చౌకైన ధరకే ఐఫోన్ 17 ప్రో మాక్స్.. ఇలా కొంటే రూ. 16 వేలకు పైగా ఆదా..!

ప్రత్యేక దర్శనంతో ప్రయోజనాలివే :
‘జగన్మాత దివ్య దర్శన్’ టికెట్ పొందిన భక్తులకు కుమ్మరిపాలెం నుంచి కొండపైకి ఉచిత బస్సు సౌకర్యం కల్పిస్తారు. ప్రత్యేక క్యూలైన్ ద్వారా ముఖ మండపం నుంచి అమ్మవారిని దర్శించుకునే అవకాశం ఉంటుంది. రోజుకు 8 గంటలపాటు ఈ ప్రత్యేక దర్శన సౌకర్యం అందుబాటులో ఉంటుంది.

ఈ విధానం ద్వారా సిఫార్సులు, మధ్యవర్తుల అవసరం లేకుండా సామాన్య భక్తులు ప్రత్యేక దర్శనం పొందవచ్చు. స్వయంగా వచ్చే ప్రోటోకాల్ ప్రముఖులకు రూ.1,000 ప్రత్యేక దర్శనం రోజుకు 4 గంటలపాటు మాత్రమే అందుబాటులో ఉంటుంది.

ఉచిత దర్శనం వివరాలివే :
దర్శనానికి వచ్చే భక్తుల కోసం ఉదయం 4 గంటల నుంచి రాత్రి 11 గంటల వరకు 4 క్యూలైన్ల ద్వారా ఉచిత దర్శన సౌకర్యం కల్పిస్తారు. రూ.500, రూ.300, రూ.100 దర్శనం టికెట్లను రద్దు చేశారు. దసరా రద్దీని దృష్టిలో ఉంచుకుని భక్తులు వాట్సాప్ ద్వారా ముందుగానే టికెట్లు రిజిస్టర్ చేసుకోవాలని, నిర్దేశించిన సమయానికి చేరుకుని అమ్మవారిని దర్శించుకోవాలని దేవస్థానం ఈవో సూచించారు.